"To" (Contén)

FILOSOFOS

Filósofo e historiador. Socio numerario fundador do Instituto José Cornide de Estudios Coruñeses, tesoureiro e membro numerario da Real Academia Galega, foi vicepresidente do Padroado da Biblioteca do Real Consulado da Coruña. Investigou a invasión inglesa de 1719 e as reais fábricas en Galicia. Escribiu La emigración gallega intrapeninsular en el siglo XVIII (1960), Documentos para la historia de las reales fábricas de Sargadelos e Escritos e autores na Galicia da Ilustración (1982). Foi membro da Real Academia de la Historia e da Real Sociedad Geográfica de España. Recibiu a Cruz de Alfonso X el Sabio e a Medalla Castelao (1996).

PERSOEIRO

Indoeuropeísta francés. Discípulo de Michel Bréal e Ferdinand de Saussure, escribiu obras sobre o grego e o latín, ademais doutras de divulgación, pero destaca, sobre todo, pola súa contribución ás linguas eslavas e ao armenio. Aplicou amplamente o concepto saussuriano da sincronía (Grammaire de la langue polonaise, 1921) e insistiu no carácter social do feito linguístico. Da súa produción destacan Altarmenisches elementarbuch (1913), Les langues dans l Europe nouvelle (1918) e Le slave commun (1924)..

PUNTA

Punta do litoral cantábrico, situada entre as enseadas de Regolada e Meitón, na parroquia de Xuances (Xove).

PERSOEIRO

Militar mexicano. Loitou contra os liberais durante a Revolución de Ayutla (1854-1855), e posteriormente a favor do Emperador Maximiliano I de México. Foi fusilado xunto a Miguel Miramón despois da toma de Querétaro.

1. Relativo ou pertencente ás melastomatáceas.

2. Planta da familia das melastomatáceas.

3. Familia de mirtáceas, exclusiva das rexións tropicais, integrada por unhas 4.000 especies de plantas xeralmente leñosas, con follas simples, opostas ou verticiladas, con flores hermafroditas, tetrámeras ou pentámeras, e con froitos capsulares ou baciformes.

PERSOEIRO

Poeta e maxistrado. Catedrático de Humanidades en Salamanca, nos tempos da ocupación francesa tivo cargos gobernamentais, polo que logo tivo que exiliarse. Entrou en contacto co movemento ilustrado e foi un poeta lírico do neoclasicismo castelán, aínda que se pode considerar prerromántico por uns cantos romances que desenvolven lendas románticas. Publicou Poesías (1785).

PERSOEIRO

Apoloxista cristián. Bispo de Sardes e contemporáneo de Marco Aurelio (121-180) escribiu máis de vinte obras, das que só se conservan partes da súa Apologia, e unha homilía sobre a Pascua.

PERSOEIRO

Astrónomo. Ingresou na orde capuchina (1700), e foi profesor de teoloxía en Tolosa (Languedoc). Máis tarde foi membro da academia de Tolosa e da de ciencias de París. Publicou tratados de matemáticas e de astronomía.

PERSOEIRO

Bailarín e coreógrafo ruso. Coñecido como George Balanchine, cada unha das súas coreografías realizábase harmoniosamente en estreita relación coa música. Actuou no Ballet de D’aghilev e no Ballet Ruso de Montecarlo, e en 1934 instalouse en Nova York. Fundou a School of American Ballet e o New York City Ballet (1948). Das súas coreografías, de estilo neoclásico, destacan The Nutcracker (1954) e Don Quixote (1965).

CIDADES

Cidade da oblast’ de Zaporizhzhia, Ucraína, situada na beira dereita do río Moločna (170.017 h [1999]). Destaca a industria e a construción de maquinaria.

MONTES

Monte situado na parroquia de Loboso (A Pastoriza). O seu cumio acada os 600 m de altitude.