"To" (Contén)

1. 1. Acción de nacer, de saír da matriz o feto viable. A lei considérao como o comezo da personalidade xurídica das persoas físicas e hai lexislacións que esixen que o nacido siga viable, cunha aptitude normal para vivir. O dereito civil español esixe o desprendemento total dun feto vivo, que o nacido teña figura humana e que viva polo menos 24 horas totalmente separado da nai.

   2. Condición dunha persoa segundo o lugar onde naceu ou a categoría social dos seus pais.

2. 1. Orixe ou principio dalgunha cousa.

   2. Lugar onde xorde un curso natural de auga.

   3. Punto de orixe dunha arteria, dun nervio ou dun tumor.

3. Representación do nacemento de Xesús Cristo no portal de Belén que adoita facerse nas igrexas e nas casas, durante o Nadal, reproducíndoo escenicamente. Deu orixe ás representacións litúrxicas da noite de Nadal e á primeira escenificación que fixo san Francisco de Asís en Greccio (1223). Constitúe unha manifestación popular artística moi arraigada e que foi moi popular xa a finais do s XV.

RIOS

Río da República de Corea, que desemboca no mar de Xapón, no estreito de Corea, tras un percorrido de 520 km.

PERSOEIRO

Escultor. Coñecido como Rosso, e activo entre 1419 e 1451, traballou na catedral de Florencia, onde realizou as esculturas dos profetas Abdías, Abrahán e Isaac, en colaboración con Donatello. Esculpiu o monumento funerario de Niccoló Maurizzi na igrexa de San Niccoló de Torentino e fixo o Giudizio di Salomone do exterior do Palazzo Ducale de Venecia.

PERSOEIRO

Escultor. O seu estilo uniu a inspiración clásica á liña e a graza góticas. Traballou na catedral de Florencia (Profèta, Assunzióne, Isaia e San Giusto) e polos fornelos exteriores da igrexa Orsanmichele esculpiu o San Elia, San Filippo e o grupo dos Quattro Santi Coronati.

PARROQUIA

Parroquia do concello de Cabana de Bergantiños baixo a advocación de san Pedro.

IGREXAS

Igrexa parroquial situada en Nantón (Cabana de Bergantiños). Construída no s XVIII, ten unha nave rectangular cuberta cunha bóveda de canón e ábsida rectangular do s XVI cuberta cunha bóveda nervada. Destacan os seus retablos, un neoclásico e dous de estilo barroco-rococó compostelán. O seu campanario data do s XIX.

PERSOEIRO

Político colombiano. Intelectual liberal, foi nomeado presidente do estado (1811). Centralista, enfrontouse aos federalistas e máis tarde foi derrotado e feito prisioneiro polos realistas (1814). Liberado, Bolívar nomeouno vicepresidente de Colombia (1821).

PERSOEIRO

Futbolista. Coñecido como Pelé, en 1956 ingresou no Santos, club de São Paulo co que gañou dúas edicións da Copa Libertadores (1962 e 1963), da Copa Intercontinental (1962 e 1963) e cinco títulos consecutivos do Campionato de Brasil (1961-1965). É o único xogador da historia que logrou tres triunfos na Copa do Mundo, en Suecia (1958), Chile (1962) e México (1970). En 1995 foi nomeado ministro extraordinario de Deportes de Brasil e en 2000 a FIFA nomeouno mellor xogador do s XX.