"RAF" (Contén)

PERSOEIRO

Artista. Foi cofundador e membro do Equipo Crónica (València), caracterizado por un novo concepto da pop art. Dado que a base do equipo era a colectividade, a súa repentina morte provocou a fin. Foi moi crítico ante a realidade e os mitos contemporáneos da súa época. Da súa obra destacan Las Meninas.

1. 1. Técnica que se emprega para analizar os fondos mariños mediante a emisión e recepción de ecos que varre transversalmente os costados dun barco especialmente preparado.

   2. Imaxe do fondo mariño que se obtén por sonografía.

2. ecografía.

PERSOEIRO

Pintor e escultor venezolano. Dirixiu a Escuela de Artes Plásticas Julio Arraga de Maracaibo (1945-1960) e, desde 1950 instalouse en París. Figurativo nos seus comezos, derivou cara ao cubismo e a abstracción xeométrica (Rojo central, 1980; Ambivalencia diagonal virtual, 1985) e o cinetismo virtual (Curvas inmateriales, 1966). Tamén destacan as súas estruturas cinéticas e as obras públicas, como os murais do edificio da UNESCO en París (1970) ou Volumen virtual (1987), para o Centre Pompidou.

PERSOEIRO

Economista italiano. Profesor na University of Cambridge desde 1927, en Prodution of Commodities by Means of Commodities. Prelude to a Critique of Economic Theory (1960), abriu un proceso de revisión da teoría económica dominante, que partiu da análise da reprodución e da distribución do excedente.

ENTRADA LARGA

Estado do extremo meridional de África, que limita ao NO con Namibia, ao N con Botswana e Zimbabwe e ao L con Moçambique e Swazilandia, ao L e ao S co Océano Índico e ao O co Océano Atlántico (1.219.090 km2; 49.320.000 h [estim 2010]). Inclúe dentro do seu territorio o estado independente de Lesotho. A capital administrativa é Pretoria, residencia do goberno, e a capital lexislativa é Cidade do Cabo.
Xeografía física
O relevo, basicamente terciario, da República Surafricana está constituído por unha zona central deprimida, rodeada por unha cadea montañosa. A parte central correspóndese co deserto de Kalahari, mentres que as terras altas que o circundan, con altitudes que varían entre os 1.500 e 3.000 m, son os macizos de Swartberg, ao L e ao S da rexión do Cabo, e a cadea montañosa de Drakensberg, entre as provincias de Estado Libre e KwaZulu/Natal, onde se sitúa a máxima altura do país, a 3.650 m. Climaticamente, diferéncianse dous...

1. Relativo ou pertencente á República Surafricana ou aos seus habitantes.

2. Natural ou habitante da República Surafricana.

GALICIA

Relixioso. Licenciado en Dereito pola Universidad Pontificia de Comillas, foi capelán militar. Abade da colexiata de Santa María do Campo da Coruña, promoveu a creación do seu Museo de Arte Sacra. Presidente da Asociación de Amigos del Museo y de la Colegiata e membro da Real Academia de Bellas Artes Nuestra Señora del Rosario, escribiu, entre outras obras, Juan Pablo II amigo de los jóvenes (1989), Morir con dignidad (1992), Historias de A Coruña (1993), Familia y hogar (1994) e Faro de luz (1997). Recibiu a Medalla de Ouro da Coruña, a Medalla Castelao (1999) e a cruz da orde de San Raimundo de Peñafort.

PERSOEIRO

Músico e sacerdote, fillo de Mariano Pablo Tafall i Miguel e irmán de Santiago Tafall. Licenciado en Teoloxía pola Universidad de Santiago de Compostela, foi organista nas catedrais de Mondoñedo (1856-1860) e Santiago (1860-?). En 1882 foi nomeado profesor de piano e de elementos de harmonía na Escuela de Música da Real Sociedad Económica.

PERSOEIRO

Poeta árabe preislámico. Autor da corte do soberano de Hīra, escribiu un diván de poemas libertinos e unha muwaxaha.

1. Arte de pesca de cerco que se emprega na captura de peixes que se presentan en grandes cardumes como a sardiña, o xurelo, o bocarte e a xarda.

2. Barco que se usa nesta arte de pesca.

PERSOEIRO

Arquitecto, escultor e pintor ucraíno. En 1913, despois dunha visita ao taller de Picasso, fixo os primeiros relevos polimatéricos de concepción abstracta, orixe do construtivismo. Na Revolución de 1917 foi máis intransixente na proclama da nova arte revolucionaria en sentido arquitectónico-industrial (produtivismo) e xuntouse con Rodženko (1916), os irmáns Pevsner e Lisitzkij (1920). Entre 1919 e 1920 proxectou e presentou o Monumento á Terceira Internacional. Desde 1933 dedicouse preferentemente á escenografía.