"SS" (Contén)

PERSOEIRO

Xeógrafo alemán. Abandonou os estudos de medicina e dedicouse aos estudos xeográficos, en particular á xeomorfoloxía. Foi profesor de xeografía na Universidade de Hamburgo. Realizou viaxes de estudo aos continentes africano -deserto de Kalahari- e americano, e interesouse pola influencia das variacións climáticas na evolución do relevo. Destacan as súas obras Adamaoua (1895), Die Kalahari (1904) e Die Grundlagen der Landschaftskunde (Os fundamentos das paisaxes xeográficas, 1919-1920).

PERSOEIRO

Pintor e gravador italiano. Documentado en Roma en 1551, traballou con T. Zuccari e destacou como retratista. En 1565 volveu a Boloña, onde dirixiu unha escola e fixo Madonna col bambino e santi (1565) e Presentazione di Gesú al tempio (1583), obras onde combinou o academicismo romano con elementos naturalistas. Cultivou tamén a pintura de xénero.

CIDADES

Cidade de Baviera, Alemaña, na confluencia do Danubio co Inn (49.900 h [1990]). Cidade fronteiriza entre Austria e Alemaña, en 1552 o elector Mauricio de Saxonia e o Emperador Carlos V asinaron nela o Tratado de Passau, que concedía liberdade relixiosa a todos os que profesaban a Confesión de Augsburgo. Este tratado foi tomado como un termo a quo para a Paz de Augsburgo.

PERSOEIRO

Realizador cinematográfico. Pertencente ao novo cine checo, fuxiu a EE UU en 1969. As súas películas tiveron unha boa acollida entre a crítica, pero non lograron un éxito de público. Destacan os seus filmes Intimni Osvetleni (Iluminación íntima, 1968), Born to Win (1970), Cutter and Bone (1981), Haunted Summer (1988), The Wishing Tree (1999) e The Nomad (2004).

PERSOEIRO

Poeta. Membro da Accademia dei Trasformati de Milán, escribiu Rime giocose, satiriche e morali (1776), Favole esopiane (1779) e a súa obra máis importante, o poema Cicerone (1774).

CIDADES

Cidade do estado de Rio Grande do Sul, Brasil, situada na vertente setentrional da serra Geral (135.158 h [1991]).

PERSOEIRO

Xurista e economista. Pioneiro da moderna teoría do dereito humanitario, defendeu un liberalismo clásico. Opúxose á Guerra de Crimea (1853-1856) e en 1867 fundou a Liga Internacional da Paz. Escribiu Mélanges économiques (1857), Les Machines et leur influence sur le développement de l’humanité (1866) e L’Histoire du travail (1873). Recibiu o Premio Nobel da Paz (1901), xunto con Jean Henri Dunant.

PERSOEIRO

Político boliviano. En 1941 fundou o Movimiento Nacional Revolucionario. Gañou as eleccións presidenciais (1951), pero a oposición dereitista fíxoo recorrer a un alzamento popular (1952) que o mantivo no poder ata 1956. Reelixido (1960), foi deposto polos militares e expulsado do país (1964). Permaneceu na oposición durante o goberno de H. Siles Zuazo ata que ocupou de novo a presidencia (1985-1989).

PERSOEIRO

Insurrecto. Coñecido como Balilla, atribuíuselle a insurrección xenovesa (1746) que conseguiu expulsar as tropas austríacas invasoras da cidade e de Liguria durante a Guerra de Sucesión de Austria. Deu nome á organización fascista Opera Nazionale Balilla.

PERSOEIRO

Escritora. Figura destacada da súa xeración, da súa obra, dotada dun estilo imaxinativo e poético, destacan as novelas Los museos abandonados (1974), Babel bárbara (1991, Premio Ciutat de Barcelona 1992), La última noche de Dostoievski (1992) e La semana más maravillosa de nuestras vidas (2002); o libro de relatos Una pasión prohibida (1986); o volume de contos Cosmogonías (1988) e os libros poéticos Descripción de un naufragio (1975), Diáspora (1976) e Estado de exilio (2003, XVIII Premio Internacional de Poesía Rafael Alberti).

PERSOEIRO

Político sueco. En 1971 foi nomeado secretario das Xuventudes Socialistas e deputado entre 1979 e 1984. Foi ministro de Educación (1989-1991) e ministro de Economía (1994-1996). Desde 1996 é o primeiro ministro sueco e líder do Socialdemokratiska Arbetarepartiet (Partido Socialdemócrata dos Traballadores Suecos, SAP).

DISTRITOS

Distrito unitario de Escocia, Reino Unido (5.311 km2; 133.620 h [estim 2000]).

PERSOEIRO

Político italiano. En 1918 afiliouse ao Partito Socialista Italiano (PSI). Antifascista destacado, foi detido (1926 e 1928-1935), expulsado do país (1926-1928) e confinado nun campo de traballo (1935-1943), polo réxime de B. Mussolini. Foi deputado desde 1948 e presidiu a Camera dei Deputati (1968-1976). Exerceu como presidente da República (1978-1985), combateu a corrupción dentro do seu propio partido e foi un gran defensor da democracia.