"Vic" (Contén)

MUNICIPIOS

Municipio da provincia de Córdoba, Andalucía, situado á beira esquerda do pantano de Puente Nuevo (3.756 h [2001]).

MUNICIPIOS

Municipio de Madrid, situado ao NL da capital provincial e regado polo Guadarrama (22.564 h [2001]). Ten agricultura de regadío, de secaño e avicultura. A súa zona industrial desconxestiona Madrid.

PERSOEIRO

Matemático ruso. Contribuíu á teoría de números e deu unha solución ao problema sobre a descomposición dun número nunha suma de números primos. En 1941 recibiu o Premio Stalin.

PERSOEIRO

Lingüista ruso. É autor de traballos sobre gramática rusa, como Grammaticeskoje ucenie o slove (Doutrina gramatical da palabra, 1947); lexicoloxía e fraseoloxía, como Oslingvisticeskoj disciplini (Conceptos fundamentais de fraseoloxía rusa como disciplina lingüística, 1946).

PERSOEIRO

Arquitecto. En París fixo a Tumba de Napoleón I en Les Invalides (1842) e en 1852 comezou o antigo proxecto de unir o palacio do Louvre coas Tuileries.

PERSOEIRO

Xeneral ruso. Participou na Guerra Civil co exército vermello. Na Segunda Guerra Mundial dirixiu a defensa de Kiev. Capturado polos alemáns, aceptou colaborar con eles. Ao final da guerra os estadounidenses entregáronllo aos rusos, que o condenaron á forca.

PERSOEIRO

Escritor ruso. Coñecido como Boris Pilniak, evolucionou da eslavofilia namorada da Rusia antiga de Krasnoje derevo (Caoba, 1929) a posicións soviéticas, como Volga vpadajet v kaspijskoje more (O Volga desemboca no mar Caspio, 1930).

PERSOEIRO

Escritor ruso. Das súas novelas destacan Zizn i neobicajne prikljucenija soldata Ivana Conkina (As memorables aventuras do soldado Ivan Conkin, 1975) e Monumental’naja Prppaganda (Propaganda monumental, 2002).

PERSOEIRO

Economista ruso. Ideólogo do populismo liberal, postulou a imposibilidade do desenvolvemento do capitalismo en Rusia, debido á falta de mercados exteriores e, polo tanto, pola imposibilidade de obter unha certa plusvalía. Era partidario da pequena produción e do pequeno comercio, e idealizou a obščina labrega.

PERSOEIRO

Mariscal ruso. Membro do partido bolxevique (1903), participou na Revolución de 1917 e na Guerra Civil, e foi comisario do Pobo, do Exército e da Mariña (1925-1940). Durante a Segunda Guerra Mundial dirixiu a defensa de Leningrado. Foi vicepresidente do Consello de Comisarios do Pobo (1947-1953) e presidente do presídium do soviet supremo (1953-1960).

PERSOEIRO

Director de ballet. Coñecido como coronel Wassili de Basil, en 1932 formou a compañía dos Ballets Rusos de Montecarlo, xunto con René Blum. En 1936 abandonou Montecarlo e a súa compañía tomou o nome de Ballets Russes du Colonel de Basil (1936-1939) e o de Original Ballet Russe (1940-1947).

PERSOEIRO

Poeta. Na súa poesía tenta transmitir a tensión e o dinamismo do tempo actual con ritmos febrís, e chegar á esencia íntima das cousas mediante metáforas complicadas e o uso do grotesco, aliado á linguaxe técnica máis moderna. Publicou, entre outras obras, Antimiry (Antimundos, 1964).

PERSOEIRO

Militar lituano. Oficial da garda imperial rusa, uniuse ás forzas antibolxeviques. Conseguiu numerosas vitorias na Rusia meridional e formou un goberno que foi recoñecido por Francia. Foi vencido polos bolxeviques no istmo de Perekop e en Sebastopol.

PERSOEIRO

Escritor ruso. Desde un principio, con Ujezdnoje (A vida provinciana, 1914) e Na kulickakh (No quinto inferno, 1914) converteuse nun dos mellores prosistas da época. Froito da súa viaxe a Inglaterra escribiu Lovec čelovekov (O cazador de homes, 1921). Comunista en 1905, a súa actividade ante a revolución pasou da paixón ao desencanto, como reflicte na novela My (Nós, 1924), que foi prohibida e que anticipa as obras de A. Huxley e G. Orwell.

PERSOEIRO

Filólogo. Catedrático das universidades de Santiago de Compostela, Salamanca e Complutense de Madrid, fundou a revista Filología (1949). Da súa produción destacan Las sonatas de Ramón del Valle Inclán (1951), Dialectología española (1960), Camilo José Cela. Acercamiento a un escritor (1962), La realidad esperpéntica (1969), Dicionario manual e ilustrado de la lengua española (1983, coordinador) e Historia de la Real Academia Española (1999). Foi nomeado doutor honoris causa polas universidades de Salamanca (1989), Extremadura (1990), Coimbra (1992) e Santiago de Compostela (1994). Membro da Real Academia Española (1966) e correspondente da Real Academia Galega, recibiu o Premio Nacional de Ensayo Miguel de Unamuno (1969) e o Premio Nacional de Literatura (1980).

PERSOEIRO

Político ruso. Membro do comité central do PCUS (1927). Foi terceiro secretario do partido e dirixiu unha campaña contra as manifestacións culturais e artísticas que non seguían as normas do realismo socialista.

PERSOEIRO

Político ruso. De nome Grigorij Jevsejevič Apfelbaum, foi militante bolxevique desde 1903. Formou parte do Politburó e foi presidente do soviet de Petrogrado. Colaborou para organizar a Terceira Internacional, e presidente do seu comité executivo (1919-1926). Desde 1926 opúxose a Stalin, que o desposuíu dos seus cargos e o expulsou do partido (1927). Despois de recoñecer publicamente os seus erros, foi readmitido (1928), para ser novamente expulsado e deportado a Siberia (1932-1933). Foi acusado de responsabilidade moral no asasinato de Kirov (1934) e, xulgado no primeiro proceso de Moscovo (agosto de 1936), foi condenado a morte e executado.