"SS" (Contén)

PERSOEIRO

Cortesá francesa. Coñecida como Marie Duplessis, tratou con membros da clase alta e chegou a ser a muller máis desexada de Francia. Entre os seus amantes estivo o escritor Alexandre Dumas, que a inmortalizou na novela Le dame aux camélias (1848) como Marguerite Gautier.

PERSOEIRO

Bailarina. Estudou na escola de ballet do Bol’šoj de Moscova, onde a partir de 1960 foi a bailarina principal. Colaborou con coreógrafos de gran renome como M. Béjart e foi directora artística do Ballet del Teatro Lírico Nacional de Madrid (1987-1990).

PERSOEIRO

Fotógrafo. Acadou o recoñecemento internacional a través dunha serie fotográfica sobre o Sáhara (1957), México (1965) e India (1970). Fotografou as paisaxes e os habitantes do S de Europa cun estilo directo, elaborado e cun alto grao de subxectivismo. Publicou Le Voyage Mexicain (1979), Chronique de Retour (1987), Das Tal-La Vallée (1994), Los años almerienses con cámaras juguete, 1987-1994 (1996) ou El jardín de polvo (2003). Recibiu o Premio Nacional de Fotografía de Francia.

PERSOEIRO

Marquesa de Pompadour. Coñecida como madame Pompadour, era filla dun rico financeiro e casou moi nova cun arrendatario de impostos. Foi amante de Luís XV de Francia e anfitrioa do círculo íntimo do rei en Versailles. Interveu en política e protexeu as letras.

PERSOEIRO

Matemático e físico francés. Profesor na École Polytechnique e en La Sorbonne de París, realizou importantes investigacións en análise matemática, cálculo de probabilidades, calor, acústica, capilaridade e elasticidade de materiais.

CIDADES

Cidade do departamento de Yvelines, Francia, situada á esquerda do Sena (36.745 h [1990]). É porto fluvial e centro residencial e industrial. En 1561 celebrouse nela o Coloquio de Poissy, convocado por Catarina de Medici e Michel de l’Hospital, que aspiraba a un entendemento entre católicos e calvinistas.

CIDADES

Cidade do estado de Paraná, Brasil, situada ao NO de Curitiba (219.648 h [1991]). É o centro do comercio de madeiras do estado.

PERSOEIRO

Fotógrafo. Fíxose profesional da fotografía en 1939, influído por Alfred Stiegliz e Paul Strand. Fotógrafo das paisaxes, dos paxaros e do seu hábitat, pasou á fotografía en cor en 1940. Establecido en México, realizou continuas viaxes fotográficas (África, China, Grecia ou Exipto), que reflectiu nas súas exposicións, libros e traballos publicados en distintas revistas. Expuxo no MOMA de Nova York (1943 e 1979) e publicou, entre outros libros, In Wildness Is the Preservation of the World (1962), Antarctica (1978) e All Under Heaven (1983).

GALICIA

Sacerdote e escritor. Rematou a súa formación no Seminario compostelán en 1916 e, despois de exercer en varias parroquias, a partir de 1940 estivo ligado á de Santa María do Sar, en Santiago de Compostela. Escribiu Paisaxes (1925), cunha temática e un estilo propios do costumismo e intimismo do s XIX. Foi académico correspondente da Real Academia Galega.

GALICIA

Médico. Foi médico titular do hospital de Santiago e do mosteiro de Santa María de Monfero ata ser nomeado en 1791 médico da cidade da Coruña. Promoveu as vacinacións masivas contra a variola en Galicia e tomou parte activa nas vacinacións que se produciron na bisbarra de Bergantiños tras o brote de 1804. É autor da obra perdida Instrución, discurso o reglamento sobre el método para administrar y difundir la vacunación antivariólica (1803).

GALICIA

Sindicalista. Emigrou moi novo xunto cos seus pais a Montevideo, onde traballou de camareiro e frecuentou a comezos da década de 1920 os ambientes libertarios. Representante da Sociedad de Resistencia de Mozos y Anexos no consello federal da Federación Obrera Regional Uruguaya (FORU), contribuíu á súa reorganización a partir de 1926. Desterrado en 1933 pola Ditadura de Gabriel Terra, retornou a Galicia e ingresou na Coruña no Sindicato de Camareros Terrestres adherido á CNT. Formou parte do Comité da Confederación Regional Galaica-CNT nos últimos tempos da Segunda República Española e participou en numerosos actos de propaganda por toda Galicia. Co triunfo do golpe militar de 1936, foi detido, torturado e condenado a un ano de prisión por actividades clandestinas. Desde 1945 exerceu de enlace entre o comité da Confederación Regional Galaica na clandestinidade e o comité nacional da CNT, e formou parte do comité local da CNT coruñesa. Desfeito o organigrama cenetista logo das detencións...

PERSOEIRO

Relixioso xesuíta e diplomático italiano. Estudou en Roma onde foi ordenado sacerdote (1561). Gregorio XIII enviouno como legado a Xoán III de Suecia, para falar do retorno deste reino á comuñón romana (1577). Actuou de mediador entre Iván IV de Rusia e Estevo I de Polonia (1581), coa finalidade de facer unha ofensiva contra os turcos. Ao seu regreso a Italia, foi profesor de teoloxía en Padua (1587-1591).

PERSOEIRO

Compositor belga. Formado no Conservatorio de Liexa (1947-1952), destacou como un dos principais animadores da vangarda musical da década de 1950. Escribiu diversos ensaios sobre a música de vangarda do s XX e as obras Trois chants sacrés (1951), para piano e corda, e a ópera Votre Faust (1963).