"Lor" (Contén)

1. Que provoca ou fai sentir calor.

2. Que manifesta afecto ou entusiasmo.

PERSOEIRO

Político liberal. Comerciante e banqueiro en Madrid, contribuíu coa súa fortuna á defensa de Zaragoza, representou a Aragón na Junta Suprema Central (1808) e foi ministro de Finanzas (1823) durante o Trienio Constitucional. En 1849 contribuíu á formación do partido progresista-democrático.

GALICIA

Actriz. Debutou en 1962 como presentadora no programa televisivo Escala en Hi-Fi e participou en Cancionero e Nuestra guitarra. Debutou no cine en 1965 con Megatón Ye-ye, de Jesús Yagüe, e nas coproducións El salvaje Kurdistán e El ataque de los Kurdos, ambas as dúas de Franz J. Gottlieb, El proscrito del río Colorado, de Mary Dexter, e en El Primer Cuartel, de Ignacio F. Iquino. Tamén colaborou en varias producións españolas: na televisión, en La última batalla (1969), de Paulino R. Díaz; no cine, en Soltera y madre en la vida (1969) e De profesión sus labores (1970), de Javier Aguirre, Tibetana (1970), de John Peyser, e en La Lola dicen que no vive sola (1970), de Jaime de Armiñán.

PERSOEIRO

Eclesiástico e diplomático. Estivo ao servizo dos papas Xulio II, León X, Clemente VII e Paulo III. Exerceu como profesor de dereito en Boloña, foi bispo de Feltre, nuncio en Alemaña e no Milanesado, e foi nomeado cardeal en 1517. Acudiu como embaixador ás dietas de Ratisbona (1524) e de Augsburgo (1530). En 1528 viaxou a Inglaterra co cardeal Wolsey para resolver o divorcio de Enrique VIII.

PERSOEIRO

Actriz e presentadora. Diplomada en maxisterio, formou parte do grupo de teatro Migallas, co que representou obras como O cantante e as mulleres de Carlos Yus (1992). Participou na montaxe de A lagarada do Centro Dramático Galego (1992).

1. Festa da purificación da Virxe María. OBS: Normalmente escríbese en maiúsculas e tamén se denomina Día das Candeas.

2. Planta herbácea da familia das sileníceas.

RIOS

Río afluente do Navia pola dereita. Nace a 1.010 m de altitude no límite entre as parroquias de Vilaquinte (concello de Cervantes) e Ribón (concello de Navia de Suarna). O seu curso adopta unha dirección S-N coa que drena as parroquias de Ribón, Sevane e A Pobra de Navia, onde desemboca.

PERSOEIRO

Duque da Baixa Lorena (977-992), fillo de Luís IV de Francia e irmán de Lotario, rei de Francia e Lotarinxia. Invadiu no reino deste coa axuda do seu curmán, o Emperador Otón II e fíxose proclamar rei no 978, pero houbo de retirarse ao pouco tempo. Reconciliouse co seu sobriño, Luís V de Francia, fillo de Lotario, e trala súa morte (987) converteuse en sucesor ao trono, non obstante Adalberón, arcebispo de Reims, consagrou a Hugo Capeto como duque de Francia. Carlos apoderouse de Laon (988) e de Reims (989), e no 991 foi capturado e entregado a Hugo, xa rei de Francia, que o encarcerou.

PERSOEIRO

Duque de Lorena (1545-1608), fillo do duque Francisco I e de Cristina de Dinamarca. Defendeu a causa católica en Francia durante as guerras de relixión. Desenvolveu a economía nos seus estados e fundou a Université de Pont-à-Mousson en 1572.

PERSOEIRO

Duque de Lorena (1625-1675). Ocupados en 1663 os seus estados por Luís XIII, entrou ao servizo de España e dos Habsburgo na Guerra dos Trinta Anos. Recuperou Lorena entre 1641 e 1644, e novamente en 1661. En 1670, expulsado definitivamente de Lorena, chegou de novo a Alemaña, onde loitou con Guillerme de Orange. En 1675 conquistou Tréveris.

PERSOEIRO

Duque nominal de Lorena (1675-1690). A causa da oposición de Luís XIV, nunca puido tomar posesión do seu dominio. Casado cunha irmá de Leopoldo I, serviu a Austria como mariscal. En 1683 comandou o exército que liberou Viena do sitio turco, tomou Buda en 1686 e obtivo a vitoria de Mohács en 1687. Loitou no Rin e tomou Maguncia e Bonn.

GALICIA

Actriz de teatro, televisión, cine e dobraxe. Coñecida   como Mela Casal, comezou a súa andaina co grupo Ditea, co que realizou espectáculos como Farsa plautina (1987) ou A lenda de Xan Bonome (1986), ambas as dúas de Agustín Magán. Participou posteriormente en varias montaxes do Centro Dramático Galego, entre elas Así é (se vos parece), de Pirandello (1991), A Lagarada, de Otero Pedrayo (1992) ou Hostia, de Cotarelo Valledor (1996). Fundou a compañía Pífano Teatro, coa que puxo en escena, entre outras, Que pasa coas dependentas dos grandes almacéns ao cumpriren os cincuenta?, de Antón Losada (1999). Interveu nas longametraxes Divinas palabras, A metade da vida ou   Martes de Carnaval. No eido da televisión destaca o seu traballo en diversos programas de variedades e series como Velaí, Luar e Mareas Vivas. Exerceu en varias ocasións como axudante de dirección e locutora de radio.

GALICIA

Cantante. Coñecida como Ana Kiro, comezou a súa traxectoria profesional en Barcelona aos catorce anos participando en concursos de radio. Inicialmente cultivou a canción española e José Guardiola contratouna para actuar por todo Levante. Actuou en distintos festivais musicais e acadou varios premios; fixo, ademais, teatro con Mari Santpere e Belter. En 1969 participou en varios programas de Galas del Sábado para Televisión Española, feito que impulsou a súa carreira musical. Realizou numerosas actuacións por España, Holanda, Suíza, Alemaña e finalmente estableceuse en Galicia. Entre 1996 e 1997 presentou na TVG o programa Toda unha vida e, posteriormente na mesma cadea televisiva, Tardes con Ana. Filla Predilecta de Arzúa, recibiu o Botón de Ouro da Irmandade Galega de Caracas, a Medalla de Ouro Ano Xacobeo da televisión arxentina e o Percebe de prata 1999.