"ROM" (Contén)

Parte da Astronomía que se ocupa do estudo da posición dos astros e dos seus movementos. O seu obxecto é o de transportar, pola medida dos ángulos, as direccións dos astros a puntos de referencia coñecidos. Os seus complementos matemáticos son, dunha banda, a mecánica celeste -e, en xeral, toda a astronomía teórica- e, doutra, a astronomía esférica. A Astrometría non se ocupa da distancia á que se atopan os astros, senón da dirección na que son observados; utiliza a proxección da súa posición real nunha esfera ideal, a esfera celeste. Mediante a trigonometría esférica é posible pasar das coordenadas observadas do astro (altura e acimut) ás coordenadas xeográficas do observador. Deste problema concreto ocúpase a parte da Astrometría chamada astronomía de posición ou astronomía náutica. A maioría dos instrumentos astronómicos teñen a súa aplicación na astrometría, como é o caso do círculo meridiano e do lente cenital fotográfico. O lanzamento de satélites astrométricos axuda a confeccionar...

Relativo ou pertencente á Astrometría.

Institución fundada polo Emperador Adriano cara ao 135 d C, cerca do foru, para a promoción das letras. Era o lugar de reunión de poetas e oradores, onde se realizaban cursos de Retórica, Xurisprudencia, Gramática e Filosofía. Denominada despois Escola Romana continuou o seu labor ata o s V.

Lesión dexenerativa que constitúe a máis común das arterioscleroses. Consiste nunha placa fibrosa, dura, que avulta a capa íntima das arterias grandes e medias. Fórmase por unha zona central constituída por lípidos (sobre todo colesterol) e restos de células destruídas, envoltas por tecido conectivo e musculatura lisa da parede da arteria. O ateroma pode ir pechando a luz da arteria e provocar lesións isquémicas; tamén pode necrosarse, ulcerarse e producir aneurismas arteriais e embolias.

Dexeneración máis ou menos xeneralizada das paredes arteriais.

ALiR.

Semellante ou que ten forma de trompeta.

Corrente doutrinal centrada en Viena, vixente durante o primeiro terzo do s XX, xurdida no seo do partido socialdemócrata austríaco. Tiña un carácter enciclopédico e recuperou aspectos de Kant en filosofía, en teoría do dereito e en política, sen abandonar o Marxismo. Entre os seus membros destacan: Rudolf Hilferding, no campo da economía, Max Adler, en filosofía, Gustav Eckstein, en socioloxía, Karl Renner, en dereito, e Friedrich Adler como líder político. Otto Bauer estudiou o problema das nacionalidades e desenvolveu a teoría da acumulación. O austromarxismo foi moi atacado polo marxismo-leninismo por causa das súas teses reformistas.

Circuíto de carreiras para automóbiles, en forma oval e cunha lonxitude que oscila entre os 2,5 e os 4,5 km, no que os vehículos poden acadar velocidades de máis de 300 km/h. A pista está pechada e é continua, feita cun aglomerado asfáltico de elevado coeficiente de adherencia, ten curvas peraltadas e cando menos dous longos tramos rectos. Os autódromos tradicionais volvéronse perigosos e, agás o de Indianápolis (EE UU) onde se celebra a carreira das 500 millas, apenas se usan.

Relativo ou pertencente ao auxocromo.

Grupo substituínte dunha molécula cromóxena que lle favorece a cor ao variarlle a lonxitude de onda e a intensidade de absorción da rexión de absorción máxima de radiación electromagnética do cromóforo. Os auxocromos inflúen no matiz da cor segundo a súa natureza, o seu número e a súa posición na molécula cromóxena; comunican á substancia propiedades tinguidoiras e convértena de substancia coloreada en colorante.

Síndrome observada en certos casos de lesións bulbares unilaterais e caracterizada por trastornos cerebelosos e simpáticos no lado da lesión, e hemiplexía e hemianestesia, no lado oposto.

Síndrome observada en certos casos de lesións bulbares unilaterais e caracterizada por trastornos cerebelosos e simpáticos no lado da lesión, e hemiplexía e hemianestesia, no lado oposto.

Base de lanzamento espacial situada preto do mar de Aral a aproximadamente 400 km ao SO da cidade do mesmo nome, no Kazakhstán, a 46° de latitude N. Construída pola Unión Soviética, logo da súa desintegración e a independencia do Kazakhstán, Rusia continúa empregándoa para o lanzamento das súas naves espaciais, co consentimento do goberno kazakho.

Cadro clínico, descrito inicialmente polo médico italiano Guido Banti, que representa unha forma de hipertensión portal, na que destaca unha grande esplenomegalia con pancitopenia e frecuentes e graves hemorraxias dixestivas. OBS: Denominación en desuso.

Afección provocada por fenómenos meteorolóxicos, sobre todo polos descensos súbitos da presión atmosférica.

Parte da Física que trata sobre a medida da presión atmosférica.