"RAM" (Contén)

PERSOEIRO

Físico. Ocupou diversos cargos en calidade de asesor de organismos de defensa en EE UU e na OTAN. Escribiu Molecular Beams (1956 e 1985) e Quick Calculus (1965 e 1985). En 1989 recibiu o Premio Nobel de Física polo desenvolvemento da técnica coñecida como método de separación por campos oscilatorios, que permiten desprazar os átomos dun nivel de enerxía a outro.

PERSOEIRO

Mestre de obras inglés. Vangardista de estilo gótico perpendicular e do seu novo programa decorativo, realizou a sala capitular e o claustro da antiga catedral de Saint Paul de Londres, a capela de Saint Stephen en Westminster e a planta do palacio de Windsor.

GALICIA

Político e xurista. Licenciado en Dereito pola Universidade de Santiago de Compostela, durante a Restauración afiliouse ao Partido Conservador, do que foi líder en Viveiro. Foi deputado polo distrito de Viveiro durante catro lexislaturas (1884-1901). Recibiu a Gran Cruz de Isabel la Catolica.

GALICIA

Enxeñeiro técnico e sindicalista. Coñecido como Moncho Reboiras, durante a súa etapa estudantil cofundou a revista Des…tornillo, formou parte do grupo cultural O Castro e, en 1969, ingresou na UPG, do que foi membro do Comité Central e do Comité Executivo. Organizou a Fronte Cultural Galega que actuou como unha coordinadora efectiva entre a maioría das asociacións culturais de Galicia. Na década de 1970 foi un dos organizadores dos grupos sindicais que orixinaron en 1975 o Sindicato Obreiro Galego (SOG). Defendeu os intereses da cultura e o pobo galegos, emprendeu a loita armada na clandestinidade e morreu nun enfrontamento coa policía cando se estaba organizando a UPF ferrolá.

GALICIA

Ensaísta. Colaborador de diversas publicacións periódicas, publicou os ensaios Trebón, de Cotarelo Valledor (1984), M. Leiras Pulpeiro: Poesía Galega Completa (1984) e Costumes antigos da Galiza (1998). Ademais, traduciu ao galego os cómics de Mafalda (1983).

PERSOEIRO

Médico e poeta. Licenciado en Medicina pola Universidade de Santiago de Compostela, exerceu nos servizos de emigración e trasladouse a Bos Aires. Foi médico da Asociación Española de Socorros Mutuos (1915-1955). Presidiu a Irmandade Galeguista e foi director de A Nosa Terra. Publicou o libro de poelas A gaita a falare (1939).

PERSOEIRO

Militar. Ingresou na cabalaría e distinguiuse nas campañas de Italia durante a Guerra de Sucesión de Austria. En 1764 Carlos III encargoulle a reforma do exército de Nueva España. Loitou durante a Guerra de Independencia e ascendeu a xeneral. Escribiu Preceptos y máximas militares para instrución de los alumnos del colegio de Ocaña e o seu Diario de campaña.

GALICIA

Historiadora da arte. Profesora de historia da arte da Universidade de Santiago de Compostela, especializouse en arte galega. Publicou Aportaciones al barroco gallego: un gran mecenazgo, Algunas transformaciones realizadas en la Catedral de Santiago en el siglo XVII y principios del XVIII (1986), Documentos sobre arte gallego (1986) e Nuevas aportaciones a la arquitectura civil compostelana en el siglo XVIII (2002).

PERSOEIRO

Arquiveiro. Traballou na Universidade de Santiago de Compostela. Escribiu Ensayo de fonética general o análisis de los sonidos orales aplicables al lenguaje (1900) e Nueva teoría de las vocales (1912).

PERSOEIRO

Relixioso e político. Desenvolveu unha intensa actividade a prol do alistamento para loitar na Guerra da Independencia e foi membro da Xunta Suprema e Gobernativa do Reino de Galicia. Cóengo na catedral de Santiago de Compostela, representou a Galicia nas Cortes de Cádiz (1813-1814) e foi un dos firmantes do Manifiesto de los Persas. Foi bispo de León desde 1814 ata a súa morte.

GALICIA

Militar e político, marqués de Rodil. Formou parte do Real Batallón de Voluntarios de Infantaría Lixeira de Santiago (1808). Acadou o rango de capitán xeneral e en Perú (1817), destacou como gobernador e defensor de El Callao (1824-1826). Comandou o Exército Liberal do Norte contra os carlistas (1834), foi ministro de Guerra (1836), senador por Ávila (1824-1836, 1842-1843 e 1849-1850) e deputado pola provincia de Lugo en dúas lexislaturas (1839-1842). Na rexencia de Espartero presidiu o Consello de Ministros (1842-1843). Recibiu a Gran Cruz de Isabel la Católica.

GALICIA

Político. Foi xuíz de paz (1975-1979) e alcalde (desde 1979) en Sada, deputado na Deputación Provincial da Coruña (1987-1995) e senador pola Coruña na VII lexislatura polo PP (2000-2004). Escribiu Historias de Sada (1998). Recibiu a Cruz al Mérito Naval de Primera Clase e a Encomienda Diego de Osorio de Venezuela.

PERSOEIRO

Xurista. Doutor en Dereito, foi profesor titular de historia do dereito na facultade de dereito da Universidade de Vigo. Escribiu Notas sobre la estrutura y funcionamiento del consejo de inquisición, Observaciones sobre la Administración de Justicia en Guipúzcoa durante el antiguo régimen e El Consejo de la Suprema Inquisición: perfil jurídico de una institución (2000).

GALICIA

Actor e director teatral. Formado en Brasil, ao seu regreso a Galicia fundou en Vigo o Teatro Artello, co que realizou Romance de Micomicón e Adhelala (1977), de E. Blanco-Amor; e Viaxe ao país de Ningures (1977), de M. Lourenzo. Organizador do Obradoiro de Investigación Dramática, posteriormente cofundou a Compañía Luís Seoane, para a que realizou a música de Dansen (1980), de B. Brecht; e dirixiu Dous perdidos nunha noite suxa (1980), de P. Marcos.

GALICIA

Sacerdote e historiador. Licenciado en Historia pola Universidade de Santiago de Compostela e graduado social, ordeouse sacerdote en 1951. Cóengo do cabido catedralicio de Tui-Vigo, desde 1958 colaborou en Faro de Vigo, El Pueblo Gallego, La Noche e Galicia Social, do que foi director. Publicou La Villa de Bouzas en los años 1680-1860 (1976), La escuela linoleista de Pontevedra (1982), El Condado entre lo lírico y la historia (1986), Cofradía del Santísimo Sacramento en la Comarca del Tea, 1659-1888 (1995) e Taboexa-As Neves. Historia y Arte (2004).

GALICIA

Xornalista e escritor. Traballou como correspondente de RNE e Radio Noroeste para, a partir de 1981, comezar a traballar en El Progreso. Presentou “Terra-Miñota” en Radio Faro e “Falamos de?” na televisión comarcal Televinte. Colaborador en distintas publicacións e cofundador do Centro Teatral Faro-Miño, coordinou o certame poético “Xohán de Requeixo”. Publicou Unha noite de poesía (1985), Chantada na súa prensa (1908-1931) (1988), en colaboración con Anxo Sánchez Moure; Voltar a Bacelares (1989), As beiras do Sil (1994), Baixo o ceo de Camba (2000) e Agasallo de verbas (2001).