"GR" (Contén)

Estudio da lingua mediante un glosógrafo.

Aparato que rexistra os movementos da lingua na linguaxe.

Grupo empresarial formado en xuño de 1998 para a xestión dun holding relacionado co mundo da comunicación. Presidido por Xavier Godó e dirixido por Carles Godó, en prensa escrita, o holding dispón dos diarios La Vanguardia e Mundo Deportivo, así como das revistas Vanguardia Dossier, Magazine, Què Fem?, Qué Más!, Escape, Interiores, Historia y Vida, La Revista dels Súpers, Club e Guia del Treball. Dentro do ámbito radiofónico, xestiona unha cadea de radiofórmula (RAC 105) e unha convencional (RAC 1), dispón do 50% de Antena 3 Radio e participa cun 20% en Unión Radio. Ademais, posúe unha licenza de radio dixital en España. En Internet está presente con La Vanguardia Digital, Mundo Deportivo On-line, Los Clasificados.com, e no proxecto Viápolis, entre outros. No campo da produción audiovisual conta con GDA, e desde o 23 de abril de 2001 coa canle local Citytv. No eido da publicidade dirixe Publipress. Ademais do seu mecenado en actos culturais,...

Construción situada en Santa María de Ferreira de Pantón. Formada por varios corpos erixidos en diferentes épocas, a súa planta ten forma de L. Conserva dous patios e unha capela integrada no edificio da que sobresae o campanario na fachada principal. Nesta, presenta unha solaina do s XVIII e dous escudos coas armas dos López de Lemos, Valcárcel, Breganzos e Enríquez, e coas dos Saco, Ribadeneira, Quiroga e Valboa.

Aparato que serve para determinar graficamente ángulos sobre un plano, sen indicar o seu valor en graos.

Asemblea celebrada en Gotha (22-25.5.1875) na que se uniron ás dúas correntes do movemento obreiro alemán: a do Partido Obreiro Socialdemócrata e a da Asociación Xeral de Obreiros Alemáns. O partido socialista unificado recibiu en 1890 o nome de Partido Obreiro Socialista de Alemaña (Sozialdemokratische Partei Deutschlands). O programa de Erfurt (1891) deulle un sentido marxista ao programa articulado en Gotha.

Conxunto de grans ou sementes dunha planta, especialmente dos cereais.

Cor vermella escura que se extrae da cochinilla.

esícula que se forma por tecido epitelial e que contén o óvulo ou célula xerminal da femia. Contrariamente ao que acontece no macho, no momento do nacemento o ovario ten un número determinado de folículos (400.000-500.000 na muller), que xa non aumenta máis. En cada ciclo menstrual madura un, que expulsa o contido -o óvulo- cara á trompa e á matriz. Os folículos non maduros atrófianse, de tal maneira que, ao chegar a menopausa, de-sapareceron case totalmente.

Obxecto máxico de virtudes milagreiras, ao que só tiñan acceso os iniciados que, tralo pertinente proceso de iniciación, acreditasen a perfección espiritual. A etimoloxía do termo (lat cratale) describe o graal como unha vasilla ampla e algo profunda, semellante á bandexa para peixes que aparece en Perceval ou Li contes del graal (1190?) de Chrétien de Troyes. Pola súa banda, o Parzival de Wolfram von Eschembach (1200-1212) móstrao como unha pedra luminosa, en tanto que as versións cristianizadas da lenda remataron por asimilalo á vasilla na que Xosé de Arimatea recolleu o sangue do Crucificado (no ciclo atribuído a Robert de Boron) ou co cáliz que Xesús tomou nas súas mans para instituír a Eucaristía o día da Última Cea (nos ciclos da Vulgata e da Post-Vulgata artúricas). As súas orixes seguen a ser escuras xa que, ao seu arredor, se creou unha lenda que acadou gran relevancia na Idade Media, produto da fusión do evanxeo apócrifo de Nicodemo, a historia de Xosé...