"To" (Contén)

CIDADES

Cidade do sheng de Jiangsu (China), na rexión do Leste (805.695 h [1990]). Situada ao S do lago Weishan, no medio dunha rexión de montes, ten minas de ferro de Liugonyi ao N e minas de carbón que fixeron dela un centro industrial. Lugar estratéxico, foi escenario de numerosas batallas, entre as que destacan a de 1938, durante a Guerra Chino-xaponesa, e a de 1949, que foi decisiva entre comunistas e nacionalistas.

PERSOEIRO

Político e militar xaponés. Foi un dos líderes da revolución de 1898 e tivo un papel fundamental no restablecemento imperial. Xefe do goberno na Guerra Ruso-xaponesa, foi ministro da Guerra en varias ocasións e presidiu o Consello Secreto do Estado (1905-1913).

PERSOEIRO

Almirante xaponés. Viceministro da Mariña (1936) e comandante en xefe da frota (1939), atacou Pearl Harbor (1941) e dirixiu a ofensiva xaponesa no Pacífico.

CIDADES

Cidade do ken de Kanagawa, na illa de Honshū, Xapón (208.324 h [2000]). Situada no extremo oriental do altiplano de Sagamihara, é un centro industrial.

MUNICIPIOS

Municipio da provincia de València, Comunitat Valenciana (1.949 h [2001]).

GALICIA

Pintor e escritor. Realizou debuxos e paisaxes e os carteis promocionais dos Camiños de Santiago do Ano Santo Compostelán de 1993 e 1999. Cronista oficial de Monterroso, escribiu Os Xeitos Doxe (1977), Monterroso, pasado y presente (1987) e Pazos y señoríos da provincia de Lugo (2000).

PERSOEIRO

Xurista. Doutor en Dereito e catedrático de Dereito Financeiro na Universidade de Santiago de Compostela, foi deputado por UCD (1977-1982), membro do Consello de Europa (1979), director xeral de Xustiza da Xunta de Galicia (1987-1988) e maxistrado suplente do Tribunal Superior de Xustiza de Galicia (1990-1993). Vogal do Padroado do Museo do Pobo Galego, das súas obras destacan La descentralización económico-financiera en Alfredo Brañas (1971), Castelao e a facenda galega (1989), Los principios del derecho financiero y tributario en la ley fundamental de Bonn (1991) e Constitución financiera española: veinticinco años (2004).

RIOS

Río do NO de EE UU, afluente do Missouri, con 1.080 km de percorrido. Nace nas vertentes da cima Yount dos montes Absaroka, ao NO do estado de Wyoming, penetra no Yellowstone Nacional Park e baixa en fervenzas cara ao Parque de Gardiner (Montana). Desemboca no Missouri, preto de Buford, en Dakota do Norte. Os seus principais tributarios son o Bighorn, o Tongue e o Powder.

PERSOEIRO

Primeiro shōgun de Xapón (1185-1199), fillo de Yoshitomo (1123-1160). Tomou o título de shōgun e fundou en Kamakura un goberno militar (bakufu). Definiu as características políticas e institucionais do shogunado, que persistiron ata o s XIX.

PERSOEIRO

Emperador de Xapón (1912-1926), fillo e sucesor de Mutsuhito I. Coñecido tamén como Taishō Tennō, o seu reinado estivo marcado polo desenvolvemento económico, a reforma electoral (1918) e a participación de Xapón na Primeira Guerra Mundial. En 1921 deixou a rexencia ao seu fillo Shōwa Tennō (Hiro Hito I).

PERSOEIRO

Político. Dirixente da Unión Cívica Radical, foi presidente da república (1916-1922 e 1928-1930). Impulsou unha política conservadora.

PERSOEIRO

Eclesiástico italiano. En 1530, xunto con Morigia e Ferrari, fundou a congregación dos clérigos regulares de San Paulo, chamados barnabitas. Canonizado en 1897, a súa festividade celébrase o 5 de xullo.

PERSOEIRO

Autor dramático. Seguidor de Calderón, a súa peza máis destacada é No hay plazo que no se cumpla ni deuda que no se pague, versión do Don Juan. As súas Comedias nuevas foron publicadas en 1722.

PERSOEIRO

Realizador cinematográfico. Dirixiu curtametraxes e diversos filmes, como Struktura krysztalu (A estrutura do cristal, 1969), Iluminacja (Iluminación, 1972), Bilans kwartalny (Balance matrimonial, 1974), Wege in der Nacht (Camiños na noite, 1979), Die Unerreichbare (Os inabarcables, 1982), Le pouvoir du mal (1985) e Persona non grata (2005).