"An" (Contén)

PERSOEIRO

Físico e matemático francés autodidacta. Interesouse por todas as ramas do coñecemento. Desde o ano 1801 foi profesor de Física e Química na École Centrale de Bourg-en-Bresse, onde escribiu a súa primeira memoria científica, sobre a teoría do xogo (1802). Napoleón nomeouno inspector xeral de instrución pública (1808). En 1814 ensinou Filosofía na Facultade de Letras e Física na Facultade de Ciencias da Académie des Sciencies (na que entrou como membro numerario na sección de Matemáticas) e, dende 1824, no Collège de France. Dende 1807 ata 1815 traballou sobre Química: distinguiu entre átomos e moléculas e chegou ás mesmas conclusións ca as expostas na lei de Avogadro, independentemente deste un ano despois. A partir das experiencias de Oersted sobre a desviación de agullas imantadas por unha corrente eléctrica, interesouse polos fenómenos electromagnéticos e elaborou a teoría da orixe electrodinámica das accións magnéticas (1820). Estudiou a acción mutua entre imáns e...

PERSOEIRO

Historiador da literatura e crítico francés, fillo do científico André-Marie Ampère. Foi un dos primeiros que se trasladou ás fontes da orixe como método para establecer unha literatura comparada. É o autor, entre outros libros, de: Historia romana en Roma (1858), obra na que estableceu o seu método analítico baseado no emprego de fontes orixinais, rexeitando as versións modernas, medievais ou aquelas chegadas pola transmisión e reprodución de textos, para fixar os textos que servirían de base aos estudios de literatura comparada.

PERSOEIRO

Pintor holandés, de obra aínda pouco estudiada. Pode ser considerado un precursor do paisaxismo de Breughel debido ás súas paisaxes con figuras.

PERSOEIRO

Príncipe mongol da rama Khoyit dos Ölöt. Neto de Tsewangrabtan, xefe dos Oinat, rebelouse contra o descendente lexítimo, Tsewangdorxi. Axudado polos chineses, que o puxeron no trono (1755), rebelouse contra a soberanía manchú, motivo polo que os mesmos chineses o derrocaron e mataron.

PERSOEIRO

Xeneral de orixe non chinesa ao servizo do Emperador Xuanzong. Rexeitou os K´i-tan e no 755 sublevouse no NL para proclamarse Emperador. Conquistou Louyang e Chang´an, expulsando ao Emperador a Sichuan. Foi derrotado polo fillo de Xuanzong e morreu a mans do seu propio fillo. A súa rebelión marca a fin do período máis brillante da dinastía Tang.

PERSOEIRO

Príncipe parto que se fixo monxe budista. Dirixiu contra o ano 150 d C a primeira tradución ao chinés de Amitayus Sutra, de tendencia amidista.

PARROQUIA

Parroquia do concello de Frades baixo a advocación de santa María.