"RG" (Contén)

PERSOEIRO

Mística alemana. Pertenceu á orde dominicana e despois á cisterciense, recluíndose no mosteiro de Helfta, onde morreu. Tende a confundirse con Matilde de Helfta. A súa obra Das fliessende Licht der Gottheit (A luz que flúe da divindade), influíu na mística xermana medieval ao ser a primeira escrita nesa lingua.

PERSOEIRO

Mártir, irmá xemelga de santa Bríxida de Irlanda. Viaxou a Roma coa súa irmá na procura do seu irmán e seguiron a peregrinación a Xerusalén. Á volta desembarcaron en Marsella e foron asasinadas por uns salteadores de camiños. As súas reliquias quedaron no actual Nogent porque as vacas que as transportaban pararon no lugar de forma súbita. A súa festividade celébrase o 28 de xaneiro.

PERSOEIRO

Sociólogo. Foi un dos fundadores da socioloxía do traballo estadounidense, de grande influencia na psicoloxía industrial. Encontrou a relación entre a satisfacción do traballador e a súa produtividade e realizou os estudios sobre o comportamento humano no traballo, nos que descubriu a importancia das relacións informais dentro da planta de traballo e que o traballo é unha actividade grupal. Escribiu The Human Problems of an Industrial Civilization (1933).

MUNICIPIOS

Municipio da provincia de Valladolid, Castela e León, situado en Tierra de Campos (1.771 h [2001]). A base da ecomonía é a agricultura, de secaño e regadío, e a gandería, e posúe industria derivada.

FILOSOFOS

Filósofo estadounidense. Caracterizou á súa filosofía como un “behaviorismo social”, que tentou explicar a relación do individuo e a sociedade. Escribiu The Philosophy of the Present (1932) e Mind, Self and Society (1934).

PERSOEIRO

Etnóloga estadounidense. Foi discípula de F. Boas e de R. Benedict, realizou numerosos traballos de campo en Samoa, Nova Guinea e Bali e tamén estudiou os indios de EE UU. Escribiu New Lives for Old: Cultural Transformation (1928-1953), Coming of Age in Samoa (1928), Sex and Temperament in Three Primitive Societies (1935) e Male and Female (1949).

REXIÓNS

Rexión de Alemaña, entre as costas do Mar Báltico e Pomerania, ao N, e Brandenburgo, ao S. Ocupa unha parte da gran chaira de orixe glaciaria da Alemaña setentrional. O principal centro é Rostock. Os primitivos poboadores xermánicos foron desprazados cara a 660 polos eslavos vendos, que serían sometidos no s XII por Enrique XII de Baviera. En 1170 o xefe vendo Pribislav foi nomeado príncipe do imperio, e os seus descendentes reinaron en Mecklenburg ata 1918. Incorporada á República Democrática Alemana, a rexión foi dividida en tres distritos: Rostock, Schwerin e Neubranderburg. Ao producirse a reunificación de Alemaña (1990) integrouse no novo land de Mecklenburg-Pomerania Occidental.

GOLFOS

Golfo do Mar Báltico, situado nas costas de Alemaña, na entrada dos estreitos de Sund e do Gran Belt.

PERSOEIRO

Fisiólogo alemán. Estudou a innervación vexetativa do intestino (plexo submucoso de Meissner) e dos riles, así como a composición química da urina. Das súas obras destaca Untersuchungen über die elektrische Ozonerzeugung (1871).

PERSOEIRO

Realizador cinematográfico. Baseou a súa obra, chea de fantasía, na utilización de trucos cinematográficos. Realizou máis de 4.000 filmes, dunha duración de entre 1 e 15 minutos, onde presentaba historias imaxinativas e fantásticas. Entre os seus filmes destacan La voiture du potier (1896), Le voyage dans la lune (1902), A la conquête du Pôle (1912) e Le voyage de la familie Bourrichon (1913).

PERSOEIRO

Bailarín e coreógrafo ruso. Coñecido como George Balanchine, cada unha das súas coreografías realizábase harmoniosamente en estreita relación coa música. Actuou no Ballet de D’aghilev e no Ballet Ruso de Montecarlo, e en 1934 instalouse en Nova York. Fundou a School of American Ballet e o New York City Ballet (1948). Das súas coreografías, de estilo neoclásico, destacan The Nutcracker (1954) e Don Quixote (1965).

GALICIA

Relixioso. Foi inquisidor de Galicia e València e cóengo lectoral e vigairo capitular de Santiago de Compostela. Escribiu Elucida et elegans interpretatio ad Bullam Alexandri III P.M. de Jubileo D. Jacobi unici Hispaniarum Patroni (1628) e Comentarios sobre las Constituciones capitulares.

PERSOEIRO

Poeta e novelista inglés. Escritor dunha gran penetración psicolóxica e unha visión moi subxectiva da vida, iniciouse na poesía coa compilación Poems (1851), á que seguiron Modern Love (1862) e Ballads and Poems of Tragic Life (1887). Das novelas destacan The Ordeal of Richard Feverel (1859), Vittoria (1867) e Egoist (1879).

PERSOEIRO

Escritor e crítico ruso. Foi o autor do manifesto do simbolismo ruso e escribiu tamén novelas históricas, como a triloxía Khristos i Antikhrist (Cristo e Anticristo, 1894-1904), que relatan os acontecementos cunha visión místico-relixiosa, e obras de crítica literaria, como Tolstoj i Dostojevskj (1901), onde define os dous escritores como os profetas da carne e do espírito, respectivamente.

PERSOEIRO

Arqueólogo e historiador. Doutor en Historia (1920), en 1926 foi nomeado catedrático de Arqueoloxía, Numismática e Epigrafía da Universidad de Valladolid, da que foi reitor en 1939, e en 1952 catedrático de Historia da Arte na Universidad de Murcia. Dirixiu numerosas escavacións entre as que destacan as dos xacementos de Domaio (Cangas), Altamira en Taboexa (As Neves) e o castro Santa Tegra (1928-1933). Colaborador do Boletín del Seminario del Arte y Arqueología de Valladolid, das súas obras destacan Notas sobre arqueología gallega: Las mámoas de Chan da Pedra do Couto e San Colmado (1936) e El seudo asturiense en La Guardia-Pontevedra (1945). Foi membro da Real Academia de Historia, da Sociedad Española de Numismática, do Instituto Alemán, da Academia de Bellas Artes de Santa Isabel de Hungría (Sevilla) e da Real Academia de Alfonso X de Murcia. Recibiu, entre outras condecoracións, a Gran Cruz con Plata de Alfonso X el Sabio

PERSOEIRO

Inventor alemán. Reloxeiro de oficio, emigrou moi novo a EE UU, onde puxo en práctica, en 1884, unha máquina que compoñía liñas enteiras para a impresión. O linotipo de Mergenthaler, sucesivamente perfeccionado, foi utilizado nas imprentas de todo o mundo.