"Amil" (Contén)

GALICIA

Pintor, irmán de Xenaro Pérez Villaamil Duguet. Formouse na Real Academia de Bellas Artes de La Coruña. Entre 1830 e 1833 traballou co seu irmán na decoración do Teatro Tapia de Puerto Rico e no Teatro Liceo de Madrid. Tamén realizou debuxos para o Seminario Pintoresco Español e láminas para o álbum España Artística y Monumental, publicado polo seu irmán, así como litrografías para o xornal El Álbum Filarmónico (1839) e para a novela El Almirante de Castilla (1843).

PERSOEIRO

Poeta simbolista portugués. Despois de finalizar os estudos de dereito, en 1894 marchou a Macau, onde foi profesor de filosofía e xuíz. Alleo aos movementos literarios, desde o seu autoexilio en Macau influíu na obra dos autores da xeración de Orpheu. Próximo á obra de Paul Verlaine, as súas creacións líricas, moi escasas, publicáronse en 1920 co título de Clepsidra. Traduciu tamén diversas obras de poetas chineses e, postumamente, apareceu a recompilación de ensaios China (1944).

PERSOEIRO

Escritor. Concibiu as súas novelas como documentos obxectivos, cunha forte carga de análise psicolóxica. Das súas obras destacan diversos dramas, como Jocul ielelor (1918), os poemas realistas de Poezii (1924) e a novela Ultima noapte de dragoste, întîia noapte de război (Última noite de amor, primeira noite de guerra, 1930).

GALICIA

Pianista e compositor. Comezou na música moi novo e con doce anos publicou La primavera (1869) e deu o seu primeiro concerto. Dirixiu o quinteto da Reunión de Artesanos, foi profesor de piano e solfexo, e participou nas actividades do Círculo Bretón de los Herreros e da Sala Berea. Coñeceu a Marcial del Adalid, Andrés Gaos, Chané ou Canuto Berea, cos que mantivo unha intensa colaboración profesional. Das súas obras destacan Vals del año 1880 (1880), Pensamiento fúnebre (1897) ou Angelita (1889).

PERSOEIRO

Pintor francés. Nos seus inicios recibiu influencias de Camille Corot, Jean-François Millet e Gustave Courbet (La Còte du Jallais à Pontoise, 1867), pero desde 1876 achegouse ao grupo dos impresionistas (La Route de St Germain à Louvenciennes, 1870). Durante a Guerra Franco-prusiana (1870-1871), refuxiouse con Monet en Londres, onde se interesou polas paisaxes de Joseph Turner. A partir de 1874 participou en todas as exposicións do grupo impresionista e cultivou a representación da paisaxe natural e da vida campestre (Les Toits Rouges, 1877), aínda que tamén pintou escenas de rúa parisienses, como Boulevard Montmartre, Printemps (1897). Practicou o puntillismo (Soleil de Printemps dans le pré à Eragny, 1887), pero na súa derradeira etapa volveu ao impresionismo máis libre, realizando series sobre un mesmo tema. Destacan os seus Autoportrait (1873 e 1903). Tamén cultivou o gravado.

GALICIA

Escritor e xornalista. Iniciou os seus estudos de dereito en Santiago de Compostela e licenciouse en Oviedo. Colaborador de El Heraldo Gallego, director de La Ilustración Gallega y Asturiana, onde publicou algunhas poesías en galego, e fundador de varios xornais en Madrid, foi tamén director de La Europa e El Norte. Manifestou as súas ideas monárquicas como militante do partido reformista no folleto La izquierda dinástica, que asinou co pseudónimo de Mr. Wihg, e varios artigos e novelas curtas baixo o título de Juvenilia, con prólogo de Murguía, editados na Biblioteca Gallega en 1893.

PERSOEIRO

Compositor italiano. Estudou en Milán e alí produciu a súa primeira ópera, I promessi sposi (1856), baseada na novela de Alessandro Manzoni. Foi mestre de capela de Santa Maria Maggiore de Bérgamo (1881) e estivo á marxe das loitas entre os partidarios de Verdi e Wagner. A súa obra mestra, a ópera La Gioconda (1876), sitúao entre a ópera verdiana e o verismo. É tamén autor do ballet Clarina (1873) e das óperas I lituani (1874) e Marion Delorme (1885).

MONTES

Monte situado na parroquia de Abelenda (Avión). O seu cumio acada os 605 m de altitude.

MONTES

Monte situado no límite das parroquias de Loureiro (O Irixo) e Lobás (O Carballiño). O seu cumio acada os 830 m de altitude.

AFLUENTES

Afluente pola esquerda do río Ulla que nace e desemboca na parroquia de Ramil (Agolada).

AFLUENTES

Afluente pola dereita do río Anllóns que nace e desemboca na parroquia de Sísamo (Carballo).

PARROQUIA

Parroquia do concello de Agolada baixo a advocación de san Martiño.

PARROQUIA

Parroquia do concello de Castro de Rei baixo a advocación de santa Mariña.

PARROQUIA

Parroquia do concello de Palas de Rei baixo a advocación de san Martiño.

PARROQUIA

Parroquia do concello de Xunqueira de Espadanedo baixo a advocación de san Miguel.

GALICIA

Médico e cirurxián. Especialista en radiodiagnose, investigou tamén sobre xeoloxía e prehistoria, e foi director do Museo da Prehistoria e Arqueoloxía de Vilalba. Ademais foi membro de distintas institucións, entre as que destaca a Societè Préhistorique Française. Recibiu o Premio Federico Maciñeira da Real Academia Galega polo seu traballo Mesolítico Gallego e a Medalla de Prata de Galicia (2000).

MONTES

Monte situado na parroquia de Vilaseca (Trasmiras). O seu cumio acada os 657 m de altitude.

IGREXAS

Igrexa parroquial situada en Agolada. A primitiva igrexa prerrománica foi substituída por un templo do s XII. Ten unha soa planta de forma rectangular con ábsida cadrada e a sancristía acaroada no lado norte do presbiterio. No interior conserva elementos góticos. A portada está formada por un arco de medio punto con arquivoltas e capiteis decorados. A espadana ten un único van e remata en pináculos.

MONTES

Monte situado na parroquia da Trapa (A Fonsagrada). O seu cumio acada os 571 m de altitude.