"RG" (Contén)

CIDADES

Cidade do land de Baden--Württemberg, Alemaña, que está situada no sector occidental da Selva Negra, entre os ríos Kinzig e Rench (52.700 h [1990]).

PERSOEIRO

Físico alemán. Profesor en Colonia, Nuremberg e Múnic, proporcionoulle á ciencia a lei fundamental da corrente eléctrica que leva o seu nome. Estudou tamén a polarización das pilas e a interferencia dos raios polarizados nos cristais.

PERSOEIRO

Químico. Estudou Física na Universidade de Budapest onde se doutourou en 1949, ocupou diversos cargos universitarios (1949-1954) e foi director do centro para a investigación química da Academia das Ciencias húngara (1954-1956). En 1956 emigrou a Canadá onde traballou en laboratorios e universidades (1957-1965) e, posteriormente (1965), a EE UU, onde foi profesor na University of Southern California (1977). Desde 1991 ocupa o cargo de director do Hydrocarbon Research Institute. Recibiu o Premio Nobel de Química (1994) por demostrar a existencia dos carbocatións.

PERSOEIRO

Escritora rusa. Naturalizada francesa, iniciouse na literatura coas novelas Argile et cendres (1946) e La pierre angulaire (Prix Femina 1953). Moi interesada pola época das cruzadas, a herexía dos cátaros e a historia medieval en xeral, escribiu Le Bûcher de Montségur (1959), Les Croissades (1963) e L épopée des cathédrales (1973). Cómpre salientar tamén os seus libros de memorias, Le procès du rêve (1982), e os seus dramas, Aliénor (1992).

CIDADES

Cidade do land de Baixa Saxonia, Alemaña, situada no punto de unión do canal Weser-Ems co Hunte (154.125 h [2000]). É un porto fluvial e centro comercial, con industrias mecánicas, téxtiles e de conservas cárnicas (as máis importantes de Alemaña). Foi centro do antigo estado de Oldenburg. Conserva a catedral gótica e o palacio ducal do s XVIII.

PERSOEIRO

Artista plástico. Naturalizado estadounidense (1953), mostrou as súas tendencias pop e foi habitual do ambiente cultural de Nova York, onde entrou en contacto con experimentos teatrais influídos polo grupo Gutai. En 1963 expuxo o Bedroom Ensemble, unha reprodución a escala natural dun dormitorio, e en 1966 comezou as Soft Scultures, reproducións ampliadas e en materiais brandos de obxectos industriais e estandarizados, como pantalóns ou xeados, cos que acadou unha sátira mordaz da sociedade contemporánea.

MONTES

Monte situado entre as parroquias de Paradela e Requeixo (Manzaneda). O seu cumio acada os 1.057 m de altitude.

PERSOEIRO

Bispo de Astorga (1061-1065). Foi monxe nun mosteiro de Sahagún. Fernando I confioulle a misión de traer de Sevilla a León as reliquias de santo Isidoro. Está soterrado na igrexa de Santa Marta de Astorga. A súa festividade celébrase o 23 de febreiro.

CAPITAIS

Capital da oblast’ homónima, Rusia, situada á beira do río Ural (531.000 h [1997]). A súa economía baséase nas construcións mecánicas e na industria alimentaria e lixeira. Entre 1938 e 1957 denominouse Čkalov.

PARROQUIA

Parroquia do concello de Celanova baixo a advocación de san Miguel.

1. Doutrina filosófica oposta ao vitalismo e ao animismo, segundo a que a vida é o resultado da organización. Por unha banda, a vida resulta mecanicamente da organización dos órganos e, por outra, cada órgano dispón, ademais das propiedades vitais que lle son propias, da capacidade de organizarse.

2. Teoría médica que sostén que todas as enfermidades teñen como causa unha lesión orgánica.

3. Teoría sociolóxica que establece unha clara analoxía entre o funcionamento e as leis que rexen a sociedade e as dos seres vivos. Defendérona Herbert Spencer, que non admitía o evolucionismo na sociedade, René Worms, Paul von Lilienfeld ou Albert Schäffle. A influencia deste enfoque diminuíu a finais do s XIX, pero atópanse afinidades en teóricos actuais.

4. Teoría psiquiátrica que defende a existencia de lesións morfolóxicas do sistema nervioso central como base das enfermidades mentais.