"GR" (Contén)

Boletín pontevedrés nado en 1945, que rematou de publicarse en outubro de 1950, no número 72. Subtitulado “Boletín de divulgación de la Cámara Oficial Sindical Agraria de Pontevedra y Órgano de las Hermandades Sindicales de Labradores y Ganaderos de la Provincia”, foi dirixido por César López Canabal.

Adega situada en Tremoedo (Vilanova de Arousa), fundada en 1988, polo conserveiro Manuel Otero. Conta con 13 hectáreas en propiedade e comercializa 300.000 litros de viño ao ano. Embotella viños con etiqueta Grambazán, ámbar e verde, como marca máis popular. Cada unha das etiquetas responde, respectivamente, á primeira e segunda prensada da uva, que é exclusivamente Albariño.

Nome co que se coñece tamén a Campagna Romana.

Revista bilingüe e gratuíta do Ferrol publicada en agosto de 1988. Colaboran nela Francisco Martínez Rey, Mercedes Sánchez Rey e Manuel Rodríguez. Editada por Asfega (Ferrol), trátase dunha publicación divulgativa e acolle información sobre o gando vacún, o sector lácteo, as hortas, as flores e os invernadoiros.

Revista aparecida en xuño de 1988, editada pola Consellería de Agricultura e subtitulada “Revista de información agraria”. Xosé Ramón Barreiro, Luís Caramés, Francisco Díaz Fierros e Felipe Macías, entre outros, forman o seu consello asesor. Consta das seguintes seccións: “Información”, “Noticias”, “Carta aos lectores” e “Última hora”. Inclúe novas, avisos, ordes e decretos, xunto con estatísticas e gráficos do sector agrario.

Xénero de bacterias do solo en forma de bacilo, gramnegativas; teñen un ciclo biolóxico semellante ao xénero Rhizobium, pero non fixan nitróxeno libre.

Asentamento con características urbanas desenvolvido na Unión Soviética a partir de 1949 no marco da reforma dos métodos de traballo agrícola. Concentra a poboación de varios kolkhoz ou sovkhoz co fin de incrementar a produción agrícola, elevar o nivel de vida e racionalizar e ampliar a oferta e calidade dos servicios. Co fracaso da economía planificada e o derrubamento do réxime comunista, deixouse de considerar este plano económico-urbanístico.

Grupo de teatro creado en 1975 en Esteiro (Muros) por Xosé Agrelo Hermo. Tentaba promover o uso da lingua galega no ensino e na sociedade e a defensa de propostas alternativas no tempo libre para os cativos. Entre os seus espectáculos atopamos desde un Auto dos Reis Magos (1975) ata Os vellos non deben de namorarse (1978).

Xénero de fungos da familia dos bolbitiáceos, de cogomelos de sombreiro carnoso con láminas e esporas da cor do tabaco e pé con anel presente só ás veces. En Galicia son frecuentes A. cylindrácea sobre troncos de árbores caducifolias e A. praecox do que aparecen os cogomelos en prados na primavera.

Ciencia e tecnoloxía que pretende unha mellor utilización enerxética dos cultivos e produtos agrícolas co fin de aumentar a relación entre a enerxía consumida e a proporcionada pola biomasa.