"AN" (Contén)

PERSOEIRO

Escritor italiano. Publicou, desde o cárcere e en castelán, Los mil y doscientos consejos y avisos discretos (1571), onde describiu a Batalla de Lepanto, e a novela pastoral Diez libros de la Fortuna de Amor (1573), citada por Cervantes nas súas obras.

MONTAÑA

Montaña de Canadá, no territorio de Yukon, preto da fronteira con Alasca. Con 6.050 m de altitude, é a máis alta de Canadá.

PERSOEIRO

Director teatral e cinematográfico estadounidense. As súas obras céntranse na problemática sentimental ou amorosa. Das súas obras destacan Bus Stop (1956), Sayonara (1957), South Pacific (1958), Fanny (1961), Camelot (1966) e Paint Your Wagon (1968).

1. Relativo ou pertencente ás loganiáceas.

2. Planta da familia das loganiáceas.

3. Familia de plantas, xeralmente leñosas, que presenta follas simples e opostas, flores tetrámeras ou pentámeras, coa corola infundibuliforme ou unceolada, agrupadas en cimas e de froitos en cápsula, baga ou drupa. Consta dunhas 500 especies, case todas tropicais.

MUNICIPIOS

Municipio de Cáceres, Extremadura, situado ao pé da serra de Guadalupe e regado polo río Ruecas, afluente do Guadiana (2.315 h [2001]). Os prados e devesas favoreceron o desenvolvemento da gandería lanar. Predomina a industria química. A zona arqueolóxica das ruínas de San Cristóbal foi declarada Ben de Interese Cultural (BIC, 1931).

PERSOEIRO

Novelista e dramaturago alemán. Coa novela inacabada Arminius, de temática patriótica, ofreceu unha obra de xénero enciclopédico. Destacou como dramaturgo barroco e escribiu Kleopatra (1661), Sophonisbe (1665-1669) e Agrippina (1669).

IGREXAS

Igrexa parroquial situada na Estrada. O seu estilo é románico da segunda metade do s XII. Ten planta rectangular, dunha soa nave, con bóveda de canón e ábsida dividida en dous tramos. A porta principal ten arquivolta con axadrezado. Sobre o testeiro atópase un Agnus Dei con cruz potenciada sobre o lombo.

IGREXAS

Igrexa parroquial situada en Paradela. Pertenceu ao antigo mosteiro de Santa María de Ribalogio, e o seu estilo é mozárabe, cunha soa nave en que se poden distinguir dous modillóns na cabeceira e na porta principal.

DEPARTAMENTOS

Departamento de Francia, situado na rexión administrativa de País do Loire (6.815 km2; 1.124.266 h [1999]). A súa capital é Nantes.

PERSOEIRO

Arquitecto barroco. Formouse na Real Academia de Bellas Artes de San Fernando e en Roma, a onde marchou pensionado en 1753. Durante a súa formación asistiu ás obras do Palacio Real de Madrid e foi delineante do convento da Visitación, tamén en Madrid. Desde 1765 traballou na catedral de Santiago, onde colaborou nos proxectos para a capela da Comuñón e dirixiu as obras da fachada da Acibechería. Tamén traballou no pazo dos Marqueses de Bóveda, en Lugo. Marchou de Santiago de Compostela e continuou traballando con Ventura Rodríguez en Santa Fe (Granada), onde realizou a colexiata.

GALICIA

Médico e escritor. Colaborou en O Tío Marcos da Portela e O Galiciano, e foi autor de Horas perdidas (1889) e Brisas gallegas (1890), publicada postumamente.

ILLAS

Illa de Dinamarca situada no Mar Báltico, ao S das illas de Sjaelland e Fyn, separada delas polos estreitos de Smålandsfarvandet e Lagelands Baelt, respectivamente. Unida por dúas pontes á illa de Falster, forma con ela o amt de Sotrstrøm. A súa capital é Maribo.

RIOS

Río da República Democrática do Congo (1.550 km). Nace na rexión de Katanga e, despois dun percorrido paralelo ao río Congo, aflúe preto de Isangi.

PERSOEIRO

Pintor e historiador da arte. Foi autor do estudo sobre o manierismo Trattato dell’arte della pittura, scultura e architettura (1584). Pintou un Autorretrato e unha Piedade.

MONTES

Monte situado no límite entre as parroquias de Vilacampa (O Valadouro) e Santo André de Boimende (Viveiro). O seu cumio acada os 675 m de altitude.

1. lombudo.

2. Persoa que non quere traballar.

GALICIA

Xornalista e avogado. Exerceu como redactor xefe de Radio Popular de Lugo-COPE, xefe de informativos especiais e subdirector dos servicios informativos de RNE, director de RNE en Galicia e director de TVE en Galicia. Foi, ademais, subdirector do programa Informe Semanal e director de Parlamento, en TVE. É autor das reportaxes Andalucía (1977) e Aragón (1977), do libro Historia dun futuro: conversas con Antolín Sánchez Presedo (1993) e da obra colectiva Historia e futuro da música e da canción galegas (1980). Recibiu o Premio Ondas de Radio (1974) e o Micrófono de Oro (1993).

GALICIA

Xornalista e avogado. Colaborou como periodista en La Voz de Galicia, que dirixiu entre 1887 e 1889, e foi redactor de El Imparcial e El Nacional. Adquiriu a cabeceira do xornal coruñés El Noroeste, que refundou en 1896. Foi elixido deputado nas lexislaturas de 1901-1903, 1903-1905, 1907-1910 e 1910-1914, que non concluíu.