"RAI" (Contén)

PERSOEIRO

Escultor. Traballou en Marly e en Versailles. Para a familia Rohan traballou no palacio de Saverne (1719-1728), no palacio episcopal de Estrasburgo (1731) e en París no Hôtel Soubise e no Hôtel Rohan.

PERSOEIRO

Erudito, escritor e dramaturgo alemán. Máximo representante da ilustración, exerceu unha influencia decisiva na literatura alemá (Herder e Goethe, sobre todo) da que foi un dos mellores estilistas. Bibliotecario en Wolfenbüttel desde 1770, iniciou un período de loita espiritual, que superou en Nathan der Weise (Nathan o sabio, 1779) e Die Erziehung des Menschengeschlechts (A educación do xénero humano, 1780). Da súa produción destacan os seis volumes de Schrifte (Escritos, 1753-1755), Fabeln (Fábulas, 1759), Laokoon (Laocoonte, 1776) e pezas teatrais como Sara Sampson (1755), Minna von Barnhelm (1767), Emilia Galotti (1772).

PERSOEIRO

Enxeñeiro agrónomo e profesor. Foi director do Laboratorio Agrario e Fitopatolóxico de Galicia, director xeral de Estruturas e Desenvolvemento Rural e Agricultura na Xunta de Galicia, vogal do Consello Rector do Instituto Nacional de Investigación e Tecnoloxía Agraria e Alimentaria e xerente do Consorcio da cidade de Santiago. Das súas obras destaca Interpretación de análises de suelos (1976).

GALICIA

Enxeñeiro e economista. Foi economista no Banco Popular Español (1972-1973) e no Grupo Banco Central (1973-1974). Director económico financeiro en SODIGA, foi deputado do Parlamento galego na III lexislatura polo PSdeG-EG. Colaborou en diversas publicacións e escribiu Desarticulación y dependencia industrial de Galicia (1977) e Excedente agrario e modo de produción: unha aproximación á lóxica da historia (1978).

GALICIA

Avogado. Foi secretario xeral do Partido Socialista Popular de Galicia en Ourense e despois en Madrid. Cofundou a Xunta Democrática de Galicia e foi delegado provincial da Consellería de Cultura e Deportes en Ourense. Das súas obras destaca Viaje por los pequeños museos de Galicia (1989), en colaboración e Sargadelos y la cerámica gallega moderna pola que recibiu o premio do Instituto de Estudios Ourensáns Padre Feijoo.

GALICIA

Político. Presidente do Centro Republicano compostelán durante a monarquía, foi elixido alcalde nas eleccións municipais de abril de 1931. Militante da ORGA, en xullo de 1932 convocou unha asemblea de municipios de toda Galicia para a elaboración do proxecto de Estatuto de Galicia (1932). Foi un dos membros fundadores do Partido Nacional Republicano.

PERSOEIRO

Científico inglés. Desenvolveu o cromatógrafro de gases de captura de electróns, que fixo posible a detección de clorofluocarbonatos (CFC) e outros gases presentes en pequenas cantidades na atmosfera. En 1961 a NASA interesouse nel para planificar experimentos dirixidos a detectar vida en Marte. Os seus estudios conducírono a negar a posibilidade de que houbese vida en Marte ou en Venus e a formular a hipótese ou teoría de Gaia.

CIDADES

Cidade do estado de Tamil Nadū, India, situada á beira do río Vaigai (940.989 h [1991]). Fundada no s VI a C, viviu o seu esplendor nos ss VI-XIII. En 1310 foi arrasada polos musulmáns. Do seu patrimonio cultural destaca o templo bramánico, construído en estilo dravídico (1560-1680).

PERSOEIRO

Escritor. Nacionalizado estadounidense, na súa obra, cunha prosa influída por S. Freud e T. Mann, rexeita a Hungría socialista, e expresa o desarraigamento do exiliado. Escribiu as memorias Egy polgár vallomásai (As confesións dun burgués, 1934), as novelas Béke Ithakában (Paulo en Ítaca, 1952) e San Gennaro vére (O sangue de san Xenaro, 1963), e o volume de poesía selecta A delfin visszanézett (O golfiño observa ao seu redor, 1978).

PERSOEIRO

Compositor e instrumentalista. Especialista na viola da gamba, actuou na corte de Luís XIV (1676-1715) e Luís XV (1715-1725). Realizou as óperas Alcide (1693), en colaboración con Lulli, e Sémelé (1709), ademais de 650 pezas instrumentais.

PERSOEIRO

Raíña de Navarra, filla de Enrique II de Francia e de Catarina de Medici. Casou en 1572 con Enrique III de Navarra (Enrique IV ; de Francia), pero o Papa Clemente VII anulou o matrimonio por ter numerosos amantes. Conservou o título de raíña ata a súa morte.

GALICIA

Pintor. Decorou o retablo da capela de Nosa Señora do Rosario (1612) na igrexa de Santiago de Betanzos e, en 1617, realizou o mesmo labor para o retablo maior de Santa María de Centroña en Pontedeume.

GALICIA

Médico psiquiatra. Profesor de psiquiatría da facultade de Medicina da Universidade de Santiago de Compostela, foi coordinador da Unidade de Psicoxeriatría do Hospital Psiquiátrico de Conxo e membro da Sociedad Española de Psiquiatría, da Sociedad Española de Epidemiología Psiquiátrica, da Asociación Galega de Saúde Mental e da Sociedade Galega de Xerontoloxía e Xeriatría. Escribiu Estudio de epidemiología psiquiátrica en la comunidad gallega, Suicidio e saúde mental e Demencia senil en Galicia: Epidemiología.

PRAIAS

Praia situada na parroquia de Adina (Sanxenxo) entre a punta Montalbo e a punta Paxariñas.

PERSOEIRO

Xeneral e escritor militar italiano, príncipe de Montecucoli. Conseguiu os cargos máis importantes nas guerras do Sacro Imperio Romano-Xermánico: a Primeira Guerra Nórdica (1658-1660) e, sobre todo, a guerra contra os turcos (1661-1664). Escribiu diversos tratados, dos que destaca Della guerra col Turco in Ungheria (1670).