"To" (Contén)

Entidade bancaria xurdida en xaneiro de 1925, cando a Casa de Banca José Pastor da Coruña, fundada en 1776, se converteu en sociedade anónima. No mesmo ano de 1925 absorbeu o Banco de Vigo. Ricardo Rodríguez Pastor e Pedro Barrié de la Maza foron os artífices da conversión da sociedade familiar en banco. O primeiro deles presidiuno ata 1939, ano no que Barrié accedeu ao posto, que ocupou ata o seu pasamento en 1971. Dende aquela, a súa dona, Carmela Arias e Díaz de Rábago, ostenta a presidencia. Durante toda a súa traxectoria, pero moi especialmente dende o mandato de Barrié, o Banco Pastor proporcionou, ben mediante o investimento directo, ben mediante a concesión de préstamos, o respaldo financeiro para a constitución de numerosas sociedades industriais do país, entre as que cómpre salientar: ASTANO, FENOSA, INGASA, MZOV e PEBSA. A entidade é unha das máis solventes do estado español e un dos piares básicos do sistema bancario galego. Galicia constitúe o mercado sobre o que proxecta a...

Entidade bancaria fundada en Cee no ano 1927 polo industrial Perfecto Castro Canosa, co obxectivo de financiar o desenvolvemento empresarial do concello. En 1988 foi absorbido polo Banco Consolidado de España.

Entidade bancaria constituída en Lisboa no ano 1914 como Casa Bancária Pinto & Sotto Mayor. Nos primeiros anos adquiriu o Banco Chaves, o Banco Mercantil de Viana do Castelo e fundou ou participou na creación de varias empresas. No ano 1925 transformouse en sociedade anónima de responsabilidade limitada, coa denominación de Banco Pinto & Sotto Mayor. No ano 1960 o Grupo Industrial António Champalimaud entrou no capital do Banco participando na súa dirección. No ano 1975 o BPSM foi nacionalizado conxuntamente con outros Bancos. Por forza da reestruturación do sistema bancario, o BPSM incorporou en 1977 o Banco Intercontinental Português (BIP) e en 1993 foi decretada a reprivatización do capital social do BPSM. No ano 1995 comprou o 50% do capital do Banco Totta & Açores (BTA), que posteriormente ascendeu ao 94%, e comprou o Banco Chemical Portugal propiedade do Chemical Bank dos EE UU. No ano 1998 o Banco Pinto & Sotto Mayor, xunto co Banco Totta & Açores, o Crédito Predial...

Entidade bancaria creada en 1998 trala fusión entre o Banco Fonsecas & Burnay, o Banco Borges & Irmão e o Banco de Fomento e Exterior.

Entidade bancaria fundada por Fortunato Chamiço Júnior en Lisboa no ano 1843. No ano 1893 pasou ás mans de José Henriques Totta, socio de Chamiço dende 1889. No ano 1911 a Casa José Henriques Totta foi transformada en sociedade comercial en nome colectivo baixo o nome de José Henriques Totta & Companhia en 1921. Logo dunha profunda crise, a entidade transformouse nunha sociedade por cotas na que Alfredo da Silva detivo unha posición dominante. No ano 1961 fusionouse co Banco Aliança e pasou a denominarse Banco Totta-Aliança. No ano 1970, trala fusión do Banco Totta-Aliança co Banco Lisboa & Açores, creouse o Banco Totta & Açores. En 1975 o BTA foi nacionalizado e ata o ano 1989 non se iniciou a privatización. No ano 1995, trala adquisición de 50 % do capital por António Champalimaud, o Banco Totta & Açores foi integrado no Grupo Mundial-Confiança. Logo dunha OPA realizada polo Banco Pinto & Sotto Mayor, este pasou a controlar o 94,4% do capital social do BTA no ano 1998.

Segundo o artigo 4. 2. da Constitución Española, aprobada en 1978, os estatutos das respectivas comunidades autónomas poderán recoñer bandeiras e enseñas propias. Non existe un modelo homoxéneo para as 19 autonomías españolas, senón que cada unha segue modelos diferentes: Asturias, Madrid, Murcia, Navarra e Melilla son monocromas; Aragón, Illes Balears, Catalunya e a Comunitat Valenciana seguen o modelo tradicional catalano-aragonés de varias faixas amarelas e vermellas; as restantes comunidades empregan distintas cores na composición das súas bandeiras aínda que difiren na disposición. A bandeira de Andalucía está composta por tres faixas horizontais da mesma anchura: a primeira e a terceira verdes e a segunda branca. A bandeira de Aragón está composta por nove faixas horizontais da mesma anchura, alternando a cor amarela nas impares e a vermella nas pares, e sobre elas un escudo acuartelado con coroa ducal que leva no primeiro cuartel, unha árbore de sinople, sobre campo de ouro; no segundo,...

José Antonio Domínguez Banderas.

Banco Español de Crédito.

Nome dado ao pintor anónimo, que realizou as pinturas murais das igrexas de Santa Baia de Banga e Santa María de Mugares, ambas situadas en Ourense, contra o ano 1555. Podería tratarse de Bertomeu García de Bahamonde, abade relacionado coa construción de Santa María de Mugares. Artista manierista, a súa obra está dirixida a un público humanista, xa que fai uso de gravados e conceptos tomados de Alciato e de Marsilio Ficino, baseando as súas propostas artísticas no neoplatonismo. Probablemente foi discípulo do Mestre de Sixto, dado o seu contido neoplatonista, o seu gusto pola narratividade e a minuciosidade nas descricións, e pola forma de compoñer e de estruturar os temas, elaborando os programas iconográficos de forma illada, utilizando os marcos abertos propios do estilo manierista. Non obstante , o Pintor de Banga interesouse por unha pintura máis sobria e por unha temática pagá.

Entidade bancaria creada en 1996 pola fusión do Banco de Toquio (creado en 1980) e do Banco Mitsubishi (fundado en 1986).