"An" (Contén)

PERSOEIRO

Historiador suízo. Napoleón I Bonaparte nomeouno secretario de Estado do Reino de Westfalia. A súa obra máis importante foi Geschichten Schweizerischer Eidgenossenschaft (Historias da Confederación Helvética, 1780-1808).

PERSOEIRO

Físico suízo. Estudou na escola politécnica federal de Zúric, onde obtivo o doutorado en 1958. Especializado en óxidos, descubriu, nos laboratorios de IBM en Zúric, os materiais cerámicos supercondutores, polo que recibiu xunto co seu colaborador Georg Bednorz o Premio Nobel de Física en 1987.

PERSOEIRO

Químico suízo. Estudou na Universidade de Basilea e doutorouse en 1925. Recibiu o Premio Nobel de Medicina en 1948 pola fabricación do diclorodifeniltricloroetano (DDT) en 1939.

PERSOEIRO

Realizador cinematográfico. Especializado en filmes de carácter intimista, da súa filmografía cómpre salientar To Kill a Mockingbird (1962), The Stalking Moon (1969), Summer of ‘42 (1971, Concha de Plata en Donostia), Bloodbrothers (1978), Kiss Me Goodbye (1982), Clara’s Heart (1988) e The Man in the Moon (1991).

PERSOEIRO

Químico estadounidense. Colaborou nun proxecto para o desenvolvemento da bomba atómica durante a Segunda Guerra Mundial e ideou un método para separar isótopos distintos do mesmo elemento químico mediante centrifugación e evaporación. Creou a teoría dos orbitais moleculares, polo que obtivo o Premio Nobel de Química en 1966.

CIDADES

Cidade da provincia de Punjab, Paquistán, situada nun lugar de paso sobre o río Chanab e no medio dun extenso palmeiral (1.182.441 h [1998]). Destacan as manufacturas de tecidos, de coiro e de cerámica.

1. Aplícase ao dispositivo ou procedemento, que permite obter ou procesar imaxes en varias bandas espectrais ao mesmo tempo.

2. Aplícase ao aparato radiorreceptor que pode sincronizar máis dunha banda de radiofrecuencias, xeralmente desde unha frecuencia moi baixa ata unha moi alta.

PERSOEIRO

Escultor e pintor alemán. En 1427 encargáronlle un retablo para a catedral de Ulm e en 1437 asinou o contrato do retablo-reliquiario de Wurzach. Afastado do realismo gótico, por influencia flamenga, preocupouse por caricaturizar e popularizar os personaxes.

1. Relativo ou pertencente aos mundangs ou á súa lingua.

2. Individuo do pobo mundang.

3. Pobo de raza sudanesa que habita no val do Benue, afluente do Níxer e que se dedican á agricultura.

4. Lingua do phylum níxer-congo que fala o pobo mundang.

1. Calidade de mundano.

2. Cousa mundana.

1. Relativo ou pertencente ao mundo material.

2. Que é propio da vida terrea, en contraposición á vida celestial ou espiritual.

3. Relativo ou pertencente á vida social.

4. Que é frívolo, amante do pracer, do luxo e da vaidade.

PERSOEIRO

Dramaturgo. Recoñecido tradutor de romances franceses e españois, o seu teatro reflicte o gusto que tiña o público da época isabelina pola comedia. Da súa produción destacan Fedele and Fortunio (1584), John a Kent and John a Cumber (1594?) e The Downfall of Robert Earl of Huntington (1606).

PERSOEIRO

Economista canadense. Foi membro da escola de Chicago e desenvolveu con Harry Johnson a tese sobre a actividade política e monetaria nas economías abertas. Foi asesor do FMI, do Banco Mundial e da UE. Desenvolveu o modelo Mundell-Fleming para a análise macroeconómica con Marcus Fleming e escribiu International Economics (1968), Man and Economics (1968), Monetary Theory: Interest, Inflation and Growth in the World Economy (1971), Building the New Europe (1992) e Inflation and Growth in China (1996). Recibiu o Premio Nobel en Ciencias Económicas (1999).

IGREXAS

Igrexa parroquial situada en Cartelle. Realizada entre 1788 e 1791, ten unha planta basilical con tres corpos e presenta varias etapas construtivas. No primeiro tramo ten unha bóveda de canón e no segundo unha bóveda de cruzaría coa data de 1878 na cúpula. A capela maior tamén ten bóveda de cruzaría co acceso ás capelas mediante arcos apuntados. No interior conserva unha figura dun Xesús Cristo de finais do s XVI e o retablo maior neoclásico do s XVIII. Na fachada, de estilo barroco, destaca unha torre con dous corpos. Os días 21 e 22 de agosto celébrase unha popular romaría nos seus arredores.