"Berkeley" (Contén)

CIDADES

Cidade do estado de California, nos EE UU, situada na badía de San Francisco (102.720 h [1991]). É sede principal da University of California, fundada no ano 1868, unha das universidades con máis reputación dos EE UU.

FILOSOFOS

Filósofo protestante inglés. Foi bispo de Cloyne desde 1734. Formulou unha filosofía estruturada ao redor dunha análise do coñecemento, que, influída por Descartes e Malebranche, levou ao límite os resultados de Locke. A sensación, único medio polo que o espírito se pon en contacto coas cousas, é aquilo que as constitúe ontoloxicamente como tales (esse est percipi); todo o que é (e só é iso que se percibe) ten que ser necesariamente espiritual. A filosofía de Berkeley pódese resumir en catro teses fundamentais: a que sostén que a materia non é senón o conxunto das ideas; a que indica que a idea abstracta é un sinxelo flatus vocis e, por conseguinte, defende un nominalismo sobre o que se apoiará o posterior inmanentismo científico; a que opón o espiritualismo e o voluntarismo a un materialismo que identifica a materia coa realidade racional, e a que defende o teísmo fronte ao deísmo e ao ateísmo. Formulou as teses fundamentais do seu pensamento en Essay towards a New...

PERSOEIRO

Compositor inglés de ascendencia francesa. Colaborou con B. Britten na suite de danzas catalanas Mont Juic (1937). Escribiu, entre outras composicións, un oratorio, diversas óperas e sinfonías, e numerosos concertos para piano e dous pianos.

PERSOEIRO

Coreógrafo e director cinematográfico coñecido por Busby Berkeley. Especializouse na coreografía e dirección de filmes musicais. Dirixiu, entre outras: Gold diggers of 1935 (As buscadoras de ouro de 1935, 1935), Babes in arms (Nenos de peito, 1939) e Take me out to the ball game (Lévame ao partido, 1949).