"De Agostini" (Contén)

Empresa editorial fundada en Roma en 1901 a partir do Istituto Geografico De Agostini. Tralo lanzamento do primeiro Calendario Atlante De Agostini en 1904 e co impulso de Marco A. Boroli, Cesare A. Rossi e Luigi Visintin, en 1922 naceu a primeira edición do Grande Atlante Geografico. En 1946 adquiriu a totalidade do accionariado a familia Boroli, e da man de Achille e Adolfo Boroli comezou a súa expansión. Coa saída do primeiro fascículo da enciclopedia Il Milione en 1959 comezou a era do coleccionable. A partir dos anos setenta iniciouse a expansión internacional do grupo, presente en máis de trinta países, entre os que figura España. Este país constituíu unha alianza da que naceu en 1985 Planeta DeAgostini, especializada en coleccionables, produtos interactivos e cómics.