Semanario de tendencia falanxista aparecido en Verín o 20 de agosto de 1936. Cesou a súa edición o 17 de outubro do mesmo ano. Subtitulouse “Todo por la Patria y nada contra la Nación”. Fundouno José Arjiz Salgado e imprimiuse nos obradoiros tipográficos da viúva de Ramón Fuertes. Incluíu información de carácter xeral e noticias locais, ademais de abundantes datos sobre o desenvolvemento da Guerra Civil.
