"Ferreiroa" (Contén)

Mostrando 4 resultados de 4.

  • Ferreiroa
    Escoitar

    PARROQUIA

    Parroquia do concello de Agolada baixo a advocación de san Pedro.

    VER O DETALLE DO TERMO
  • Ferreiroa Millán, Urbano
    Escoitar

    PERSOEIRO

    Eclesiástico. Estudiou filosofía e teoloxía no seminario de Ourense. Chantre das catedrais de Valladolid e València, fundou a revista Soluciones Católicas. Publicou Tierra Santa. La cuestión de Oriente (1877), La transformación de la Roma pagana estudada en la Roma actual (1882) e Nerón. Escenas del primer siglo del cristianismo (1895).

    VER O DETALLE DO TERMO
  • Ferreiroá, pazo de
    Escoitar

    Construción situada en San Xulián de Eiré (Pantón). Ten planta en forma de U cun patio axardinado rectangular no medio, pechado por un muro onde se abre o portal; este está flanqueado por dúas pilastras que con outras dúas situadas nos extremos do muro sosteñen unha moldura corrida sobre a que descansa un voado en forma de trabe co escudo coas armas dos Aguiar, Valcárcel, Deza e Mosquera. Na parte posterior destaca a solaina e na principal unha balaustrada corredor de tipo claustral á que se accede por unha escaleira. O edificio está cuberto con tella acanalada a dúas augas. Conserva unha capela, reedificada en 1927 no Campo dos Carballos, un hórreo, unha palleira, unha pía para a auga, un pombal e un muíño.

    VER O DETALLE DO TERMO
  • Ferreiroa, San Pedro de
    Escoitar

    IGREXAS

    Igrexa parroquial situada en Agolada. Construíuse no 1030 en estilo románico, mais sufriu modificacións ao longo do tempo. Conserva a colección de canzorros do s XIII na fachada norte. A fachada princial é do s XIV, ten dobre arquivolta e tímpano cunha cruz inscrita nun círculo, e o campanario é do s XVI.

    VER O DETALLE DO TERMO