"Ilduara" (Contén)

ariante do antropónimo feminino Aldara.

Título concedido por Amadeo I, co vizcondado previo de San Rosendo, a Camilo Feijoo de Sotomayor e Cejo (Ourense 1816-1893), coronel de infantaría e comendador da orde de Carlos III. O II marqués de Santa Ilduara foi o seu neto Urbano Feijoo de Sotomayor e Feijoo de Sotomayor (?-Madrid 1959) que ao morrer sen sucesión, herdou os seus dereitos a súa irmá Elena Feijoo de Sotomayor e Feijoo de Sotomayor , III marquesa de Santa Ilduara (?-Madrid 1967), sucedida pola súa filla Elena Lourdes Casaleiz e Feijoo de Sotomayor , IV marquesa de Santa Ilduara e IV vizcondesa de San Rosendo, e marquesa de Dávila polo seu matrimonio. Trae por armas escudo partido: primeiro, de goles, espada de prata, punta enriba, gornecida de ouro, e acostada en seis besantes de ouro; segundo, de prata, tres faixas con dúas ordes axadrezadas de ouro e goles separados cada un por un cinguideiro de sable. Ao timbre, coroa marquesal.