"Matías I" (Contén)

PERSOEIRO

Emperador romano-xermánico e rei de Xermania (1612-1619), Hungría (Matías II, 1608-1619) e Bohemia (1611-1617), fillo de Maximiliano II de Austria. Fracasou como gobernador de Países Baixos (1578-1581), pero non de Austria (1593-1606), onde impulsou a Contrarreforma e a loita contra os turcos. Ante a debilidade de poder do seu irmán, apoderouse das coroas de Hungría, Moravia, Austria (1608) e Bohemia (1611). Sucedeu o seu irmán, Rodolfo II, na coroa imperial.

PERSOEIRO

Rei de Hungría (1458-1490), fillo de János Hunyadi e sucesor de Ladislau VI de Hungría. Dedicouse a manter a independencia húngara contra Austria e os turcos. Impuxo a súa vontade aos nobres por medio dun exército negro composto por mercenarios e interveu en Bohemia, onde se fixo coroar (1469). Nunha importante ofensiva contra os turcos, conseguiu reconquistar Bosnia (1463), Moldavia e Valaquia (1467) e Serbia (1482). Pouco despois atacou o Emperador Federico III e amparouse en Viena (1485) e en Estiria (1486).