"Petín" (Contén)

PARROQUIA

Parroquia baixo a advocación de Santiago que dá nome ao concello de Petín, onde se sitúa a capital municipal.

GALICIA

Concello da comarca de Valdeorras, situado na provincia de Ourense no SL da Comunidade Autónoma de Galicia, a 42° 23’ de latitude N e 7° 07’ 30’’ de lonxitude O. Limita ao N coa Rúa e Vilamartín de Valdeorras, ao L co Barco de Valdeorras, ao S co Bolo e A Veiga, e ao O con Larouco (todos eles na comarca de Valdeorras). Abrangue unha superficie de 30,5 km 2 , en que acolle unha poboación de 1.066 h (2007), distribuída nas parroquias de Freixido, Mones, Petín, Portomourisco, Santa María de Mones e Santoalla do Monte. A súa capital está no lugar de Petín, na parroquia do mesmo nome, a 185 km de Santiago de Compostela e a 100 km de Ourense. Está adscrito á diocese de Astorga e ao partido xudicial do Barco de Valdeorras.
Xeografía física
O relevo é extremadamente sinxelo, froito da xustaposición de dúas grandes unidades de relevo: o val do Sil e os contrafortes da serra do Eixe. A primeira ocupa o sector NO, unha pequena cubeta con fondo chairo, situada...