"Punxín" (Contén)

PARROQUIA

Parroquia baixo a advocación de santa María que dá nome ao concello de Punxín, onde se localiza a capital municipal.

GALICIA

Concello da comarca do Carballiño, situado ao O da provincia de Ourense e ao S da Comunidade Autónoma de Galicia. A súa posición xeográfica é 42° 18’ de latitude N e 7° 59’ de lonxitude O. Limita ao N co concello de Maside (comarca do Carballiño), ao S co de Cenlle (comarca do Ribeiro), ao L cos de Amoeiro e Ourense (comarca de Ourense), e ao O co de San Amaro (comarca do Carballiño). Abrangue unha superficie de 17,1 km 2 , en que acolle unha poboación de 907 h (2007), distribuída entre as parroquias de Barbantes, Freás, Ourantes, Punxín, Vilamoure e Vilela. A capital é o lugar da Forxa, situada na parroquia de Punxín, localizada a 17 km da cidade de Ourense. Está adscrito á diocese de Ourense e ao partido xudicial do Carballiño.
Xeografía física
O relevo está formado por dúas importantes unidades, a superficie de erosión e o val do río Barbantiño. A superficie de erosión sitúase entre os 380 e os 450 m de altitude, e na parte occidental do concello...