"Visconti" (Contén)

PERSOEIRO

Duquesa de Milán. Filla ilexítima de Filippo Maria Visconti, duque de Milán, e de Agnese del Maino. En 1441 recibiu como dote Cremona e Pontremoli ao casar co condottiere Francesco Sforza, e en 1450 conseguiu a sucesión do seu pai. Morto Francesco Sforza en 1466, fíxose cargo do goberno en nome do seu fillo Galeazzo Maria.

PERSOEIRO

Realizador cinematográfico. Foi axudante de dirección de Jean Renoir (1936). O seu estilo caracterízase por unha aguda sensibilidade, unha obsesión plástica pola escenografía, e o gusto polos ambientes grandiosos, barrocos e decadentes. Presenta de forma igualitaria o mundo dos marxinados sociais, os emigrantes e os que padecen, e os ambientes suntuosos, aristocráticos e refinados. Da súa extensa filmografía destacan algúns títulos da primeira época neorrealista, como La terra trema (1948, premiada en Venecia), Senso (1955), Le notti bianche (1957, premiada en Venecia) e Rocco e i suoi fratelli (1960, premiada en Venecia). A outro estilo pertencen Il Gattopardo (1965, premiada en Cannes) e Vaghe stelle dell’Orsa (1965, premiada en Venecia). Outros filmes destacados son La caduta degli dei (1969), Morte a Venezia (1971), Ritratto di famiglia in un interno (1974) e L’innocente (1976).

PERSOEIRO

Arquitecto. En París fixo a Tumba de Napoleón I en Les Invalides (1842) e en 1852 comezou o antigo proxecto de unir o palacio do Louvre coas Tuileries.

PERSOEIRO

Político. Deputado e senador, foi ministro de Asuntos Exteriores en varias ocasións entre 1863 e 1901 e colaborou na retirada das forzas francesas de Roma (1864), na paz con Austria e na solución da Cuestión Romana.