"Évora" (Contén)

1. 1. Comer un animal a súa presa.

   2. Comer avidamente e con moita présa.

2. Destruír ou consumir algo ou a alguén.

3. Fixar os ollos en algo ou en alguén con grande avidez e paixón.

4. Ler con ansia ou con moito interese.

5. Inquietar intensamente a alguén.

6. Gastar o diñeiro con rapidez e en exceso.

CAPITAIS

Capital do distrito homónimo, no Alto Alentejo, Portugal, na marxe esquerda do río Xarrama (38.900 h [1998]). É un centro comercial agrícola e manufactureiro. Destacan os seus xacementos de ferro e cobre. De fundación prerromana, foi denominada por Plinio o Vello “Ebora Caerealis” e, tralas Guerras Cántabras (29 a C-19 a C), “Liberalitas Iulia”. Converteuse nun importante centro comercial na vía que unía Scallabis e Pax Iulia, que en época visigoda e musulmá practicamente desapareceu. En 1165 foi conquistada aos musulmáns por Afonso I de Portugal e integrouse no Reino de Portugal, ao ser unha cidade clave para o control do territorio ao S do Tejo. Trala unión dos reinos de España e Portugal, tivo lugar un motín contra Filipe IV (1637), que precedeu á sublevación portuguesa. Do seu patrimonio cultural, declarado en 1986 Patrimonio da Humanidade pola UNESCO, destacan os restos romanos das murallas, do templo de Diana (s I), das termas e do acueduto, a catedral (ss XII-XIV), o mosteiro...

DISTRITOS

Distrito de Portugal, situado no centro do Alto Alentejo (7.396 km2; 167.200 h [estim 1998]). A capital é Évora. As bases da súa economía son a agricultura (viña, oliveiras, trigo) e a minería.