"Alcedo" (Contén)

Xénero de aves da familia dos alcedínidos ao que pertence o picapeixe.

Título nobiliario concedido por Real despacho o dezasete de marzo de 1891 pola Raíña Rexente María Cristina de Austria, no nome de Afonso XIII, que otorgou a Grandeza de España en 1925 a Fernando Quiñones de León y de Francisco-Martín, marqués de San Carlos. O dous de xullo de 1950 expediuse carta de sucesión a favor de Pedro Fernando Christopherson Quiñones de León.

Cuarzo criptocristalino, formado por masas de cristais microscópicos, en calquera das súas variedades. Cando se dispón formando capas concéntricas desígnase co nome de ágata. Se as bandas son rectilíneas, as variedades denomínanse ónix, de cor branca e negra, e sardónix, en branco e vermello.

Antiga cidade de Asia Menor, situada no estreito do Bósforo, á entrada de Bizancio. Na actualidade está englobada na aglomeración urbana de Istambul. Fundada no ano 685 a C polos megarenses, foi ocupada despois polos persas. Tomada polos atenienses no 409 a C, formou parte da Confederación Ateniense (s V a C). No s II a C incorporouse á provincia romana de Bitinia, sufriu no 74 a C os ataques de Mitríades VI do Ponto e quedou parcialmente destruída. Formou parte do Imperio Bizantino e foi fortificada por Xustiniano. No 451 tivo lugar o Concilio de Calcedonia. Foi saqueada no s VIII polos persas e polos árabes, pasando no ano 1350 a poder dos turcos.

Cuarto concilio ecuménico da Igrexa (451), convocado polo Emperador Marciano I. De acordo coa Epístola Dogmática ou Tomus ad Flavianum do Papa León I, condena o monofisicismo e proclama a doutrina das dúas naturezas de Cristo. O canon 28 das actas conciliares, que outorgaba ao patriarca de Constantinopla a primacía sobre as igrexas de Oriente e o equiparaba co papa de Roma, non foi admitido por Roma. Este concilio significou a ruptura das igrexas nacionais siríaca e copta (monofisicistas) co resto do mundo cristián romano-bizantino.

Provincia de República Dominicana (440 km2; 96.356 h [2002]). A súa capital é Salcedo (40.510 h [2002]).