"Bangui" (Contén)

1. Relativo ou pertencente ás linguas do grupo adamaua-ubanguiano.

2. Grupo de linguas da familia níxero-congolesa. É coñecido tamén como adamaua-oriental. Non é doado establecer unha clasificación definitiva malia que o sistema de sufixos do subgrupo adamaua e de prefixos do subgrupo ubanguiano semellan probar o parentesco cos outros grupos da póla.

CAPITAIS

Capital da República Centroafricana, á beira dereita do río Ubangi (553.000 h [estim 1995]). Situada na prefectura de Ombella-M’Poko, constitúe unha comuna (municipio) autónoma (67 km2 de superficie) allea á administración desta provincia e á xurisdición do seu prefecto.

RIOS

Río de África central, afluente principal do Congo pola dereita. Ten 2.040 km de lonxitude, dos que 900 son navegables. Nace da confluencia dos ríos Uele, M’Bomu e Monga. Con dirección L-O, separa a República Democrática do Congo da República Centroafricana, e despois, con dirección N-S, fai de fronteira entre a República Democrática do Congo e a República do Congo.