"Betis" (Contén)

Estado ou característica propia do analfabeto.

Fenómeno social que existe como consecuencia dunha insuficiente escolarizacion. Por regra xeral, debido a que a maioría das leis de escolarización obrigatoria son bastante recentes, está máis espallado nas poboacións rurais, máis pobres e dispersas ca as urbanas, entre a poboación feminina e tamén entre os adultos, máis que entre os novos. Segundo datos da UNESCO, prevese que para o ano 2000 haxa aproximadamente 1.000 millóns de iletrados no mundo. Na actualidade, moitos países occidentais están a considerar un novo tipo de analfabetismo funcional, xurdido da incapacidade de aplicar na vida real as nocións aprendidas e relativas á escritura ou lectura.

Fenómeno social caracterizado pola existencia de persoas que non saben empregar aparellos informáticos.

Proporción de analfabetos sobre a poboación total considerada. Adoita expresarse de xeito porcentual sobre o total de maiores de 15 anos e distingue a poboación feminina da masculina.