analfabetismo
(
-
s
m
[PEDAG]
Estado ou característica propia do analfabeto.
Ex: Co que di non fai máis que amosar o seu analfabetismo.
-
s
m
[PEDAG]
Fenómeno social que existe como consecuencia dunha insuficiente escolarizacion. Por regra xeral, debido a que a maioría das leis de escolarización obrigatoria son bastante recentes, está máis espallado nas poboacións rurais, máis pobres e dispersas ca as urbanas, entre a poboación feminina e tamén entre os adultos, máis que entre os novos. Segundo datos da UNESCO, prevese que para o ano 2000 haxa aproximadamente 1.000 millóns de iletrados no mundo. Na actualidade, moitos países occidentais están a considerar un novo tipo de analfabetismo funcional, xurdido da incapacidade de aplicar na vida real as nocións aprendidas e relativas á escritura ou lectura.
Ex: A campaña contra o analfabetismo en África está obtendo bos resultados.
-
analfabetismo informático
[INFORM]
Fenómeno social caracterizado pola existencia de persoas que non saben empregar aparellos informáticos.
-
taxa de analfabetismo
[PEDAG]
Proporción de analfabetos sobre a poboación total considerada. Adoita expresarse de xeito porcentual sobre o total de maiores de 15 anos e distingue a poboación feminina da masculina.