"Bram" (Contén)

NUCLEOS

Núcleo de poboación próximo a Zagorsk, na oblast de Moscova, a 57 km da capital. Alí conviviron comunitariamente escritores como Turguenev e Gogol xunto con artistas e estudiosos da arte medieval rusa, quen construíron unha igrexa (1880-1882) que reproducía a de Novgorod.

PERSOEIRO

Físico soviético. En 1934 descubriu, co seu irmán Artemij Isaakovič Alikhanian (1908 - 1978), a emisión de parellas electrón-positróns polos núcleos radioactivos. Estudiou tamén os raios cósmicos. En 1949 dirixiu a construción do primeiro reactor nuclear soviético e en 1961 a dun acelerador de protóns. Tivo un papel destacado na creación da bomba nuclear soviética.

PERSOEIRO

Pintor ruso. Participou dende 1890 ao 1900 no grupo dos Ambulantes. A súa obra é de feitura expresionista.

CIDADES

Cidade de Languedoc, Occitania, no departamento de Aude, Francia (2.899 h [1990]). En 1939 instalouse nesta cidade un campo de concentración para os refuxiados republicanos da Guerra Civil española, organizado en nove grupos de casetas, onde foron internados entre trinta a corenta mil homes, civís e militares.

PERSOEIRO

Técnico inglés. Autor de numerosos inventos e melloras como as bombas hidráulicas, os extintores contra incendios, unha máquina para distribuír cervexa, o propio váter, etc. Propuxo o uso da hélice para a propulsión dos barcos.

PERSOEIRO

Arquitecto e pintor italiano. Está considerado como o iniciador do Renacemento romano. Aprendeu no obradoiro de frei Bartolommeo de Urbino, quen o iniciou na pintura. A súa primeira obra foi a decoración da igrexa de Santa Maria della Bella. En Urbino, iniciouse tamén na arquitectura, sendo seus o pazo de Torriglione e as igrexas de San Bernardino e da Nosa Señora del Piratello, en Imola. Trasladouse a Milán en 1472, onde coñeceu a Leonardo da Vinci, quen influíu nas súas ideas arquitectónicas. En Milán realizou a igrexa de Santa Maria presso San Satiro, na que reflecte un novo xogo de perspectivas, e Santa Maria delle Grazie; outras obras súas en Milán son a Casa dos Cóengos ou a tumba de Ludovico il Moro, ademais de participar na elaboración dos planos da catedral de Pavia xunto con Francesco di Giorgio e de Amadei. Da súa pintura lombarda quedan poucos testemuños: Homes de armas e filósofos e Cristo na columna. En 1499 chegou a Roma, onde se adicou intensamente...

1. Emitir o seu son característico gran número de ruminantes, como o touro e a vaca, e algúns animais salvaxes.

2. Proferir unha persoa fortes berros a consecuencia dun estado de cólera ou de dor.

3. Producir o mar ou o vento un son semellante ao bramido dos animais.

1. Acción de bramar.

2. Ruxido emitido por ruminantes como os touros e outros animais salvaxes.

3. Berro ou voz forte da persoa que está colérica e furiosa.

4. Ruído forte producido polo aire, polo mar, etc.

1. Peixe da familia dos brámidos.

2. Familia de peixes mariños da suborde dos percoides, próximos os corifénidos, de corpo bastante alto e comprimido, algunhas veces ovalado, mandíbula moi prominente e aletas dorsal e anal longas. Os adultos presentan a aleta caudal profundamente escotada. Distínguense os xéneros Brama, Pterycombus, Taractes e Taractichthys.

CIDADES

Cidade da provincia de Ontario, Canadá, situada ao oeste de Toronto (268.251 h [1996]).