"Cochin" (Contén)

CIDADES

Cidade do estado de Kerala, India, na parte central da Costa Malabar (564.589 h [1996]). É un centro pesqueiro e mercado agrícola, principalmente de té e copra. No sector industrial destaca a fabricación de tecidos de algodón.

FAMILIAS

Familia de gravadores franceses. Nicolas Cochin (Troyes 1610 - París 1686) participou con Jacques Callot en A gran Paixón. Noël Cochin (Troyes 1622 - Venecia 1695) continuou a obra do seu irmán. Charles Nicolas Cochin o Vello (París 1688 - 1754) realizou gravados de Watteau e Chardin, entre outros. Charles Nicolas Cochin o Novo (París 1715 - 1790) foi protexido de Luís XV e mestre de Madame Pompadour. Os seus gravados representaron o mundo cortesán. Realizou o gravado da portada da Encyclopédie e escribiu Observacións sobre as escavacións de Herculano e a escultura dos antigos (1754).

1. Acción propia do cocho.

2. Cousa sucia ou de aspecto desagradable.

REXIÓNS

Rexión do SL de Asia, que forma parte de Vietnam (64.100 km2). Está situada entre o golfo de Tailandia e o mar da China Meridional, no delta do río Mekong. O cultivo de arroz e a pesca son as actividades económicas máis salientables. As cidades principais son Ho Chi Min (antiga Saigón), Long Xuyen, My Tho e Can Tho. Orixinariamente, pertenceu ao Imperio Khmer (actual Camboxa); este país foi conquistado a finais do s XVII e comezos do XVIII pola dinastía anamita dos Nguyen; Nguyen Anh conseguiu en 1789, coa axuda de mercenarios franceses, reunificar o antigo imperio dos Nguyen (que recibiría o nome de Vietnam). O estímulo deste soberano para favorecer a penetración da influencia europea, principalmente francesa, interrompérona os seus sucesores, sobre todo Tu Duc. A súa intransixencia cara aos católicos foi fundamental para que o imperialismo francés interviñese na Cochinchina; a súa anexión total foi ratificada no ano 1874. Convertida en colonia francesa, en 1887 integrouse dentro...

1. Relativo ou pertencente a Cochinchina ou aos seus habitantes.

2. Natural ou habitante de Cochinchina.

1. Insecto homóptero da familia dos cóccidos. As femias son ápteras e viven, na fase adulta, fixadas ás plantas das que se alimentan. Algunhas especies chegan a ser ápodas, co corpo transformado nunha pequena cuncha de entre 1 e 10 mm de lonxitude, que presenta unha cuberta protectora de ceras e lacas excretadas polo mesmo animal. Os grupos de femias chegan a cubrir talos, follas ou froitos, e poden constituír pragas se afectan ás especies vexetais de interese para o home, como a cochinilla das laranxeiras (Pseudococcus citri). Combinan un ciclo biolóxico partenoxénico cun sexual, onde os ovos quedan protexidos polo escudo da nai que morre trala posta. Os machos adultos presentan un só par de ás e as pezas bucais atrofiadas, feito que lles impide alimentarse e, xa que logo, ter unha vida longa. Nos primeiros estadios, as larvas teñen capacidade plena de movemento, polo que é nese momento cando se realiza a dispersión. Algunhas especies críanse polo interese das súas secreccións, como...

2. Tipo de carmín que se extrae da cochinilla da chumbeira. Nas Canarias, sobre todo en Lanzarote, prodúcese carmín de cochinilla -arredor de 60 toneladas anuais- de gran riqueza en ácido carmínico, usado en cosmética, microbioloxía e como colorante alimentario, fundamentalmente en conservas.

1. Cría do porco que aínda mama ou que vén de deixar de mamar hai pouco tempo.

2. Mazaroca de millo que aínda está verde e bota un líquido abrancazado semellante á cor do leite.

1. Corte dos porcos.

2. Lugar abrigado que serve de refuxio para os animais ou persoas.