"Cometo" (Contén)

Heroína grega filla de Pterelao, rei dos tebeleos, invencible grazas a un cabelo de ouro que Posidón fixera medrar na súa cabeza. Cando Anfitrión sitiou a capital, Tafos, Cometo namorouse del; tal foi a forza da súa paixón que non dubidou en cortar o cabelo máxico de seu pai para axudar o inimigo do seu pobo. Este feito ocasionou a morte de Pterelao e o sometemento dos tebeleos ao vencedor, quen non tardaría en executar a Cometo.

Heroína grega sacerdotisa de Ártemis en Patras. Namorada de Melanipo, ante a negativa dos seus pais a este noivado, encontrábanse no santuario da sacerdotisa. Como castigo a este sacrilexio, Ártemis envioulle unha peste ao pobo. O oráculo de Delfos ditaminou que, para aplacar a cólera da sacerdotisa, cumpría castigar os culpables. A partir dese momento instituíronse as festas das “triclarias”, nas que se sacrificaban anualmente os mozos máis belos do pobo ata que Eurípilo puxo fin a este tributo.

Astrónimo que designa o nome dado a un cometa.