"Cornoces" (Contén)

Mostrando 3 resultados de 3.

  • Cornoces
    Escoitar

    PARROQUIA

    Parroquia do concello de Amoeiro baixo a advocación de san Martiño.

    VER O DETALLE DO TERMO
  • Cornoces, pazo de
    Escoitar

    Construción nobiliar barroca situada en San Martiño de Cornoces. A documentación máis antiga que se conserva do pazo fai referencia á familia de don Xoán de Porras Figueroa e Calderón, que o tiña en propiedade en 1779. Posteriormente, pertenceu á familia dos Reinoso, ata que dona Ramona Villar de Reinoso o doou para instalar nel un asilo de caridade. A construción da pequena capela que existe preto da casa pode ser deste período. Funciona como residencia de persoas con deficiencias psíquicas.

    VER O DETALLE DO TERMO
  • Cornoces, San Martiño de
    Escoitar

    IGREXAS

    Igrexa parroquial situada en Amoeiro. De estilo románico, construíuse baixo o padroado de dona Urraca Fernández. O bispo de Ourense don Afonso consagrouna o 16 de abril de 1200, segundo a inscrición que flanquea a porta meridional do templo. Trátase dun edificio de pequenas dimensións, de planta única, con cuberta de madeira a dúas augas e ábsida rectangular cuberta con bóveda de canón. O arco triunfal é apuntado e apóiase en dúas columnas con bases decoradas con talos e capiteis con lazos rematados en volutas. O seu aspecto exterior destaca pola sobriedade só alterada pola decoración de canzorros. Cómpre salientar a portada occidental, co arco maior, os capiteis e a chambrana decorados con motivos xeométricos. Sobre o lintel aparece unha figura erguida, flanqueada por dúas grandes pinas, vestida con túnica ata os pés, e que sostén entre as súas mans unha cartela estendida na que se vislumbran algunhas letras. Contorneando o semicírculo do tímpano esculpiuse un festón de arquiños de medio...

    VER O DETALLE DO TERMO