"Edge" (Contén)

ILLAS

Illa situada ao SL do arquipélago Spitsbergen, no Océano Ártico, ao N do mar de Barents.

PERSOEIRO

Fotógrafo estadounidense. Estudiou enxeñería eléctrica no Instituto Tecnolóxico de Massachusetts e, posteriormente, exerceu como profesor no mesmo centro. Destacou como investigador no tratamento da alta velocidade e do control remoto, e como inventor dun flash estroboscópico que permitía obter imaxes dun obxecto a gran velocidade cunha nitidez perfecta. Entre algunhas das súas innovacións, cómpre subliñar unha cámara provista dun flash electrónico para investigacións mariñas que empregaron Jean Cousteau, a Armada dos EE UU e numerosas expedicións científicas. Ademais, moitos dos seus inventos utilízanse para experimentos relacionados co radar, a televisión e a fotografía profesional.

PERSOEIRO

Economista e estatístico irlandés. Foi profesor nas universidades de Londres (1890) e Oxford (1891). Fundou o Economic Journal e foi nomeado en 1912 presidente da Royal Statistical Society. Relacionou utilitarismo e economía, aplicou as matemáticas ás ciencias sociais e desenvolveu o concepto de curva de indiferenza e a medida da utilidade. No campo da estatística realizou estudios sobre a lei do erro, os métodos estatísticos de representación e o cálculo de probabilidades. Entre as súas obras destacan New and Old Methods of Ethics (Novos e vellos métodos da ética, 1877) e Mathematical Psychics (Física matemática, 1881).

PERSOEIRO

Escritora inglesa. Recibiu a influencia de seu pai, Richard L. Edgeworth, home culto e deputado de Edgeworthstown (Irlanda). Ten obras de interese pedagóxico, como Letters to Literary Ladies (1793) e On Practical Education (1798). Tamén escribiu Castle Rackrent (1800), sobre a vida dos campesiños irlandeses, e Leonora (1806), de tendencia romántica, inspirada no amor da autora polo conde sueco Edelcrantz, que coñeceu en París (1802). Despois da morte de seu pai a súa produción literaria diminuíu e só editou Memoirs of R. L. Edgeworth (1820) e Helen (1834).

PERSOEIRO

Dramaturgo inglés. Creador da comedia de costumes na época da Restauración, da súa produción destacan The Comical Revenge e The Man of Mode or Sir Fopling Flutter.