"Ely" (Contén)

PERSOEIRO

Astrofísico norteamericano, director do Observatorio de Washington. Estudiou a distribución da enerxía no espectro solar ao cuantificar mediante o pirheliómetro o valor e a temperatura do Sol.

PERSOEIRO

Xeólogo e paleontólogo inglés. Estudiou especialmente a estratigrafía do Xurásico e fixo unha detallada clasificación dos fósiles do xénero Ammonites. Contribuíu ao establecemento dunha nomenclatura estratigráfica práctica. Publicou Jurassic Geology of the World (Xeoloxía xurásica da Terra, 1956).

PERSOEIRO

Astrónoma irlandesa. Realizou investigacións de Astrofísica empregando todas as zonas do espectro (1974-1982) e, dende 1982, astronomía óptica, infravermella e radiomilimétrica. Traballando en Cambridge cun radiotelescopio capaz de detectar variacións rápidas dos sinais descubriu, en 1967, unha fonte radioemisora flutuante, identificada posteriormente por A. Hewish como un púlsar.

PERSOEIRO

Poeta e novelista danés. Situado na corrente expresionista, escribiu Adfaltens Sange (Cantos do asfalto, 1918) e Lokomotivet (A locomotora, 1933).

PERSOEIRO

Navegante, aviador e explorador norteamericano. Contribuíu decisivamente aos primeiros voos transatlánticos. Efectuou unha expedición á Ártida e sobrevoou o Polo Norte por primeira vez o 9 de maio de 1926. En 1928 comezou a da Antártida, onde fundou a base de Little America. Sobrevoou o Polo Sur en 1929, descubriu unha terra á que deu o nome da súa muller, Marie Byrd. Organizou catro expedicións máis á Antártida, nas que ergueu os planos topográficos dunha parte do territorio, fotografou a costa dende o aire e realizou importantes observacións científicas.

PERSOEIRO

Activista norteamericano. Defensor dos dereitos da minoría afroamericana, foi un dos fundadores do Student Non-violent Coordinating Committee (SNCC), organismo que presidiu desde xuño de 1966. Entre 1966 e 1967 converteuse no máximo representante do Black Power.

PERSOEIRO

Cantante. Debutou en Venecia cara ao 1741 e posteriormente instalouse en Londres, onde organizou diversos concertos na Carlisle House do Soho Square. Realizou numerosas actuacións en Viena, Copenhaguen e Hamburgo.

PERSOEIRO

Compositor francés. En 1560 nomeárono compositor da Corte de Carlos IX e dende 1575 foi presidente da Sociedade de Santa Cecilia. Autor de chansons e motetes, perfeccionou a forma da chanson francesa. Escribiu música descritiva e fantasías polifónicas para órgano ou espineta.

PERSOEIRO

Dramaturgo belga. Iniciou a súa carreira aos catorce anos no Théâtre des Bouffes-Parisiens e destacou ao pouco tempo como un autor especializado no campo da traxicomedia e da farsa, ademais de realizar diversos traballos como director de escena. Entre as súas obras máis representativas cómpre salientar Nous n’irons plus au bois (1906), Le sculpteur de masques (1908), Le Marchand de regrets (1913), Le cocu magnifique (1921) ou Chaud et froid (1936).

PERSOEIRO

Dramaturgo húngaro. Autor de pezas realistas sobre a vida moderna, da súa produción destacan Proletàrok (Proletarios, 1880), Cifra nyomurúság (Miseria brillante, 1881), Örök törvény (Lei eterna, 1890) e A nagymama (A avoa, 1891).

PERSOEIRO

Político grego. Foi ministro de Asuntos Exteriores en varias ocasións, e sostivo unha política expansionista e de reivindicacións territoriais. Elixido primeiro ministro (1885-1886, 1890-1892, 1895-1897, 1902-1903 e 1904-1905), alentou a sublevación dos cretenses e a guerra con Turquía. Morreu asasinado.

CIDADES

Cidade do condado de Cambridgeshire, en Inglaterra, Reino Unido, situada á beira do río Ouse (13.507 h [1981]). Do seu patrimonio cultural destaca a catedral, con planta de estilo normando (1090-1130), na que sobresae a capela da Virxe (1321-1349), de estilo gótico florido.

PERSOEIRO

Economista. Graduado na Columbia University (1876), doutorouse na Universidade de Heidelberg, onde recibiu a influencia da escola historicista. Foi profesor nas universidades Johns Hopkins e de Wisconsin, e participou na fundación da American Economic Association. Cómpre destacar as súas obras The Past and the Present of Political Economy (Pasado e presente da economía política, 1884) e An Introdution to Political Economy (Introdución á economía política, 1889). Despois de 1914 asumiu posturas conservadoras e dedicouse ao estudo da economía agraria.

CIDADES

Cidade do megye de Csongrád, Hungría (48.000 h [2000]). É o mercado dunha fértil comarca agrícola.