"Hildesheim" (Contén)

CIDADES

Cidade do land da Baixa Saxonia, Alemaña (105.291 h [1990]). O bispado da cidade, fundado en 815 por Ludovico Pío, tivo a súa época de esplendor no s XIII, pero decaeu posteriormente e secularizouse en 1802. A cidade pertenceu sucesivamente a Prusia, ao Reino de Westfalia, ao de Hannover e novamente a Prusia. Do seu patrimonio cultural destacan as igrexas de St. Michael (1010-1033) e St. Marien (872), declaradas Patrimonio da Humanidade pola UNESCO (1989), e o Knochenhaueramtshaus (1529).

PERSOEIRO

Escritor e debuxante alemán. Pertenceu ao Grupo 47. É autor de destacadas obras radiofónicas, como Prinzessin Turandot (1954) e Das Opfer Helena (Helena a víctima, 1955); de teatro do absurdo, como Spiele, in denen es dunkel wird (Xogos, nos que se fai de noite, 1958), de novelas, como Lieblose Legenden (Narracións sen amor, 1952), Tyunset (1965) e Marbot (1981); e de reflexións, como Nachlese (1986).