"Lincoln" (Contén)

PERSOEIRO

Explorador, enxeñeiro e aviador norteamericano. Formou parte de numerosas expedicións e viaxes aos Andes e ao Amazonas, pero sobre todo destacan a travesía transártica con Roald Amundsen e Umberto Nobile no dirixible Norge (1926) e a que realizou á Antártida en avión en 1935.

PERSOEIRO

Bispo de Lincoln (1188). Mandou construír a catedral de Lincoln. Loitou contra a simonía e defendeu os dereitos da Igrexa fronte aos reis de Inglaterra. Na iconografía leva vestiduras de bispo ou de cartuxo e, como atributos, o cisne e tamén un cáliz co neno Xesús dentro. A súa festividade celébrase o 17 de novembro.

CAPITAIS

Capital do condado de Lincolnshire, Inglaterra, Reino Unido (76.660 h [1981]), situada á beira do río Witham. É un centro industrial de material agrícola, motores diesel e industria mecánica. Fundada en época romana, tivo importancia comercial durante a Alta Idade Media. A catedral, comezada en 1072, foi construída nos tres estilos do gótico inglés. A fachada e a sala capitular son de estilo gótico primitivo e as torres son de estilo perpendicular (1340-s XVI).

CAPITAIS

Capital do estado de Nebraska, EE UU (225.581 h [2000]). Situada nun val, no centro do estado, é un centro cultural, en que tamén destaca a industria alimentaria, metalúrxica, mecánica e química.

PERSOEIRO

Político estadounidense. Participou na loita contra os indios (1832) e foi deputado whig por Illinois (1834-1842). Perdeu os seus apoios cando se opuxo á guerra de México. No 1854 pronunciouse contra a escravitude nos estados do NO e a favor dunha fórmula federal. Ingresou no partido republicano no 1856 e foi elixido presidente no 1860, ao mesmo tempo que se separaron da Unión sete estados do S que formaron a Confederación Sudista. A expansión industrial e demográfica e a insurrección dos escravos precipitaron a Guerra Civil. No 1862 proclamou a emancipación de todos os escravos e, finalizada a Guerra de Secesión, mostrouse moderado e organizou un programa de reconstrución do S. Reelixido como presidente no 1864, morreu asasinado nun teatro de Washington polo sudista John Wilkes Booth.

CONDADOS

Condado de Inglaterra, Reino Unido (5.921 km2; 634.300 h [estim 2000]). A capital é Lincoln.

DISTRITOS

Distrito unitario de Inglaterra, Reino Unido (192 km2; 155.200 h [estim 2001]).

DISTRITOS

Distrito unitario de Inglaterra, Reino Unido (833 km2; 152.500 h [estim 2001]).