"Navarrete" (Contén)

PERSOEIRO

Actriz e cantante. Coñecida como Estrellita Castro, despois de triunfar no Ateneo Mercantil de Sevilla, percorreu toda Andalucía e Extremadura cun grupo de artistas flamencos e realizou unha xira por España e por América que a levaría a La Habana, lugar no que se exiliou trala Guerra Civil. No seu exilio viaxou a Berlín e rodou nos estudios da UFA, da man de Benito Perojo, algunha das súas películas máis destacadas, como El Barbero de Sevilla, Suspiros de España e Mariquilla Terremoto, as tres producións de 1938. Posteriormente viaxou a Roma e representou un papel en Los hijos de la noche (1939). Intérprete de cancións moi coñecidas como Rocío, María de la O, Mi jaca, Mi tarara, Suspiros de España e Ojos Verdes, participou tamén, entre outros, nos filmes Mi patio andaluz (1933), Rosario la cortijera (1935), Torbellino (1941), Los misterios de Tánger (1942), La niña del patio (1967), La...

PERSOEIRO

Mariño. Formado no seminario de Vergara, ingresou na mariña (1780). Dedicado desde 1784 á recuperación de manuscritos e documentos marítimos para o Museo de la Marina de Cádiz, foi o descubridor dos manuscritos das viaxes de C. Colón. É autor dunha Colección de documentos inéditos, Ortografía e Análisis del Quijote: vida de Miguel de Cervantes Saavedra (1834). Membro desde 1792 da Real Academia da Lingua e da Real Academia de Bellas Artes de San Fernando, da que foi secretario (1815), e desde 1800 da Real Academia de la Historia, da que foi presidente (1824).

PERSOEIRO

Eclesiástico, político e economista. Nos seus discursos criticaba a expulsión dos mouriscos, a creación de morgados, o exceso de tributos e o excesivo número de relixiosos. Publicou Conservación de monarquías y discursos políticos (1626), en que examina as causas da decadencia española, que atribuía fundamentalmente ao abandono da agricultura.

MUNICIPIOS

Municipio de La Rioja, situado ao SO de Logroño (2.211 h [2001]). A agricultura e a gandaría son predominantes. Posúe industrias de louza e cerámica. É unha vila de aspecto medieval que cobrou vida despois de que Afonso VIII lle outorgarse foro (1195). Está situado á beira do Camiño Francés de Peregrinación a Santiago.

GALICIA

Catedrático musical e director de coro. Foi director da Coral Universitaria de Madrid e presidente da Comisión de Arte Centro Gallego de Madrid. Autor da tradución de óperas ao galego, das que destacan La seva padrona, Bastián ed Bastiana, Il maestro di música e La represa, foi nomeado Socio de Honor de la Coral Mercedaria de Madrid.

PERSOEIRO

Relixioso dominicano. Foi prefecto das misións dominicanas en China (1664) e atacou as teorías rituais dos misioneiros xesuítas. Foi arcebispo de Santo Domingo (1682) e escribiu Tratados históricos, políticos, étnicos y religiosos (1676) e Controversias antiguas y modernas (1679).

PERSOEIRO

Pintor. Coñecido como o Mudo, estudou en Italia e criouno Filipe II. Traballou no Real Monasterio de San Lorenzo de El Escorial onde realizou Martirio de san Jaime (1571), Nacimiento de Cristo (1575) e Entierro de san Lorenzo (1579).

PERSOEIRO

Nadadora. Foi campioa de España no estilo de bolboreta en 100 m (1992, 1997 e 2003), 200 m (1997 e 2003) e 500 m (1997). Conseguiu a medalla de ouro en 200 m bolboreta nos Campionatos de Europa de Sevilla (1997) e en 100 m bolboreta na Copa do Mundo de Moscova (1997). Tamén gañou a medalla de prata en 200 m bolboreta na Copa do Mundo de Moscova (1997), nos Campionatos de Europa de Istambul (1999) e na Copa do Mundo de París (2001). Olímpica en Barcelona (1992), Atlanta (1996), Sydney (2000) e Atenas (2004), recibiu a medalla de prata da Real Orden del Mérito Deportivo (1998).

GALICIA

Pintor. Formouse na Escola de Artes e Oficios da Coruña e, pensionado pola Deputación da Coruña, na Escuela Superior de Bellas Artes de San Fernando de Madrid. Recibiu, entre outros galardóns, o Premio Especial de Paisaxe do I Concurso Provincial de Pintura da Deputación da Coruña   en 1962, con Vista de Betanzos, e a terceira medalla en 1963 con Ciudad de las grúas.