"Nicomedia" (Contén)

CIDADES

Cidade de Bitinia, situada en Propóntide (posteriormente mar de Mármara), preto da actual poboación turca de Izmit. Fundada en 264 a C por Nicomedes I, foi capital do Reino de Bitinia, e despois de 74 a C da provincia romana de Ponto e Bitinia. Foi a sede predilecta de Diocleciano, que a embeleceu con basílicas, palacios e pórticos. Durante o s IV foi saqueada polos escitas.

PERSOEIRO

Mártir. Era secretamente cristiá, polo que se negou a casar cun prefecto romano, Eleusius. Encarcerada e torturada, o demo tentouna na prisión pero ela atouno coas súas propias cadeas e botouno ás latrinas. Metida nunha caldeira de aceite fervendo fixo que o aceite se volvese auga morna. Finalmente foi decapitada. Iconograficamente representouse vestida cunha túnica, sostendo un flaxelo nunha man e co demo encadeado aos seus pés. A súa festividade celébrase o 19 de outubro.

PERSOEIRO

Mártir. Foi torturada e decapitada por orde de Diocleciano con san Cibrán de Antioquía, que se namorara dela e que a nomeou abadesa do mosteiro que el fundara. O seu atributo é o unicornio, símbolo de castidade. Eliminouse do calendario romano tras a reforma posterior ao Concilio Vaticano II.