"Rodolfo II" (Contén)

PERSOEIRO

Emperador romano xermánico (1576-1612), arquiduque de Austria (1576-1608), rei de Hungría (1572-1608) e de Bohemia (1575-1611), fillo do Emperador Maximiliano II de Austria. Favoreceu a Contrarreforma, que defendeu coas armas. Viuse obrigado a darlle Austria, Moravia e Hungría ao seu irmán Matías (1608), e a cederlle Bohemia (1611), polo que abdicou e conservou só o título imperial.

PERSOEIRO

Rei de Borgoña (921-937) e de Italia (924-926), fillo e sucesor de Rodolfo I de Borgoña. Loitou contra Berenguel I, rei de Italia e emperador de Occidente, a quen derrotou (923) e fixo asasinar (924). Sucedeuno no trono italiano, do que foi apartado por Hugo de Arles, quen lle cedeu a cambio unha boa parte dos seus territorios de Provenza (933), formándose así o Reino de Arles.