"Romualdo" (Contén)

PERSOEIRO

Licenciado en Dereito pola Universidade de Santiago de Compostela (1867). Trasladouse a Lugo onde comezou a editar La Idea moderna, deixando a súa dirección pouco antes do seu falecemento. Nesta publicación apareceron obras súas como Miscelánea literaria (1892), Un lance (1901), de tendencia folletinesca, e De la Coruña a La Habana. Viaje del Batallón de Zamora (1901). Publicou uns estudios literarios no xornal El Diario de Lugo, asinando algúns co pseudónimo Amorodul. Realizou estudios sobre a historia de Ribadeo que culminaron na súa Historia de Ribadeo: datos históricos de la fundación de la villa de Ribadeo e La villa y puerto de Ribadeo, estes últimos incluídos no Álbum histórico, científico y literario de Galicia (1887), elaborado por Novo García.

PERSOEIRO

Compositor italiano. Estudiou con F. Durante en Nápoles e foi mestre de capela da corte de Parma. Compuxo numerosas óperas serias e chegou a ser un dos principais autores de opéra comique.

PERSOEIRO

Compositor e director. Foi un dos creadores da zarzuela moderna e estreou, entre outras, La mensajera (1849),   Juramento (1858), Catalina (1854) e La conquista de Madrid (1863).

GALICIA

Poeta. Formado en teoloxía no seminario de Mondoñedo (1829-1832), exerceu como mestre na escola do seminario. Cultivou o latín, o galego e mais o castelán e escribiu diversos vilancetes, como o musicado por Pacheco para o Nadal de 1861.

PERSOEIRO

Relixioso. Ao redor de 970 fíxose monxe beneditino no mosteiro de San Apollinare in Classe (Ravenna), de onde foi elixido abade en 998, pero ao ano seguinte retirouse á vida eremítica. Fundou diversas casas, que en 1012 se uniron na orde camaldulense. Iconográficamente representouse vestido con hábito branco (camaldulense) e báculo (abade). Como atributos persoais leva unha casiña rodeada de árbores sobre o brazo (alusión á vida cenobítica) e, ás veces, unha escada (en alusión a unha visión súa, na que subían os monxes da súa orde ao ceo). A súa festividade celébrase o 19 de xuño.