"Stanislav" (Contén)

PERSOEIRO

Poeta. De ideas comunistas, aproximouse ao realismo con Sen a zdstupu zoutajicich a jiné básně (O soño da multitude dos desesperados, 1903). Continuou con obras de carácter naturalista como Kniha zesu, vod a stráni (O libro dos bosques, das augas e dos outeiros, 1914), Nové zpěvy (Novos cantos, 1918), Rudé zpěvy (Cantos vermellos, 1923) e Zamorěná léta (Anos somerxidos, 1946).

PERSOEIRO

Actor e director dramático. De nome Konstantin Sergejevič Aleksejev, fundou o Teatro Artístico de Moscova, con V. I. Nemirovič-Dančenko, onde puxo en práctica as súas concepcións dramáticas e desenvolveu o seu prestixioso método de interpretación. O actor ten que evitar toda afectación non motivada, e a obra, para el, é un conxunto orgánico formado pola vontade estruturadora do director en que nada queda solto. A loita contra o divismo e a educación dos actores e do público tamén forman parte do seu sistema.

PERSOEIRO

Economista ruso. Participou na Revolución Rusa, e foi coautor do Primeiro Plano Quinquenal soviético. Experto en planificación, participou na discusión sobre os criterios de selección de investimentos, rexeitando aqueles que incorporasen magnitudes típicas dunha economía de mercado e formulando criterios alternativos.