"Stewart" (Contén)

FILOSOFOS

Filósofo e escritor inglés. Foi un dos teóricos do nacionalsocialismo. En 1885 trasladouse desde Inglaterra para estudar en Dresden e posteriormente se estableceu en Viena. Na súa obra principal Die Grundlagen des neunzehten Jahrhunderts (Os fundamentos do s XIX, 1899), fai unha interpretación da superioridade da raza aria. Durante a Primeira Guerra Mundial posicionouse como panxermanista e partidario da anexión a Alemaña de todos os pobos de orixe xermana. É autor de dúas monografías sobre Richard Wagner, compositor no que se inspirou para desenvolver unha filosofía de carácter nacionalista.

PERSOEIRO

Poeta. Afiliouse ao movemento imaxinista e publicou os poemas líricos In the Net of Stars (1909), Cadences (1915) e Otherworld (1920).

PERSOEIRO

Actor. Coñecido como Stewart Granger, comezou facendo papeis secundarios no cine, ata que se deu a coñecer no filme Caesar and Cleopatra (1945). Das súas películas destacan King Solomon’s Mines (1950), The Prisoner of Zenda (1952), Salome (1953), The Last Hunt (1956) e Hell Hunters (1986).

PERSOEIRO

Político irlandés. Presidente da Home Rule (1877), e do Irish Land League (1879). Loitou sen éxito contra a lei represiva de 1800 para pór fin á axitación campesiña. O asasinato do secretario para Irlanda (1882) facilitou a aplicación de novas leis represivas, e Parnell foi deposto como xefe da Home Rule (1891).

PERSOEIRO

Novelista e político sudafricano. Fundou e presidiu o Liberal Party (1953-1968). Consagrouse coa novela Cry, the Beloved Country (1948), levada á pantalla por Z. Korda (1952), á que seguiron Too Late the Phalarope (1953), Tales from a Troubled Land (1961), un conxunto de pequenas historias; e Ah, but Your Land is Beautiful (1981), en que analiza o tema racial. Loitou sempre pola causa liberal e o problema social do seu país con conferencias e artigos xornalísticos como “The Long View” (1968).

PERSOEIRO

Aviador e automobilista. En 1906 creou, xunto con Frederic Henry Royce, a empresa Rolls-Royce. Foi o primeiro aviador en cruzar o Canal da Mancha (1910) e morreu nun accidente de aviación.

PERSOEIRO

Político irlandés, vizconde de Castlereagh e segundo marqués de Londonderry. Como primeiro secretario (1789-1801) do lord lugartenente inglés en Irlanda, axudou a sufocar a rebelión de 1798 e conseguiu que o Parlamento irlandés aprobase a unión con Inglaterra (1800). Formou parte da ala progresista dos tories. Como secretario de Guerra (1805-1809) dirixiu a guerra contra Napoleón I. Ministro de Asuntos Exteriores (1812), unificou os esforzos para a derrota de Napoleón I e a instauración dunha nova orde en Europa polo Tratado de Chaumont (1814).

PERSOEIRO

Cantante de rock. Coñecido como Rod Stewart, pertenceu a varios grupos ata que iniciou a súa carreira en solitario. Da súa discografía destacan Every Picture Tells A Story (1971), Atlantic Crossing (1975), Foot Loose & Fancy Free (1977), Camouflage (1984), Out Of Order (1988), Unplugged & Seated (1993), If We Fall In Love Tonight (1996) e Human (2001).

PERSOEIRO

Rei titular de Inglaterra e de Escocia (Carlos III, 1766-1768), fillo de Xaime de Inglaterra, o Vello Pretendente. Este nomeouno, ao nacer, príncipe de Gales, título que levou ata 1766. Nomeado rexente polo pai, que estaba doente, foi enviado a París en 1744 para planear a invasión de Escocia. Desembarcou en Escocia, e en Edimburgo proclamou o seu pai rei e invadiu Inglaterra, pero tivo que se retirar.

PERSOEIRO

Nobre, filla de Charles Stewart, décimo cuarto conde de Lennox, e de Elizabeth Cavendish. Enrique VI de Francia quixo casar con ela, pero Isabel I impediuno. Cando Xaime VI de Escocia, primo seu, xa cinguira a coroa inglesa, quixo casar con William Seymour, fillo de Lord Beauchamp, pero o rei opúxose; a pesar de todo, casaron en segredo. Encarcerados, fuxiron, pero ela foi prendida e encerrada na Torre de Londres, onde toleou e morreu.

PERSOEIRO

Cardeal e duque de York e rei titular de Inglaterra (Enrique IX, 1788-1807), fillo de Xaime de Inglaterra, o Vello Pretendente. Este nomeouno duque de York pouco despois de nacer. Nomeado cardeal co título de York, foi arcebispo de Corinto (1758) e bispo de Frascati (1761-1803). En 1803 foi nomeado deán do Sacro Colexio e bispo de Ostia e Velletri. Ao morrer o seu irmán Carlos Eduardo Stuart (1788), proclamouse rei de Inglaterra.

PERSOEIRO

Lord Abernethy (1561), conde de Mar (1561-1562) e de Moray (1562) e rexente de Escocia (1567-1570), fillo lexitimado (1550) do Rei Xaime V de Escocia e de Margaret de Erskine, filla do conde de Mar. Axudou no goberno da súa irmá María I, pero distanciouse dela ao se opor ao matrimonio co conde de Darnley. Nomeado rexente, volveu loitar contra a súa irmá.

PERSOEIRO

Cuarto duque de Albany, príncipe herdeiro de Escocia (1516-1536) único fillo e sucesor do príncipe Alexandre de Escocia, duque de Albany, e da súa segunda muller, Anne de La Tour de Auvernia. Foi rexente do seu sobriño segundo, o Rei Xaime V (1515). En 1522 tivo que declararlle a guerra a Inglaterra, que lle foi contraria, e renunciou á rexencia en 1524.