"Téllez" (Contén)

LIÑAXES

Liñaxe de orixe galega que trae por armas, en campo de ouro, seis luneis de azul colocados en dous paus de tres. Outro trae, en campo de ouro, catro luneis de azul colocados en cruz e, no medio deles, dous crecentes enfrontados, e descendendo da lúa inferior tres pares de crecentes enfrontados en pau, para formar unha cruz latina.

PERSOEIRO

Dramaturgo. Coñecido como Tirso de Molina, está considerado un dos autores máis importantes da literatura española. Seguidor e defensor de Lope de Vega, ao que superou nalgún aspecto da súa obra, destacou na profundidade psicolóxica e na creación de caracteres dos personaxes, algúns tan salientables como o tipo de Don Juan, e no contido que concede aos personaxes femininos. A súa produción foi moi extensa e abarca diversos xéneros: comedias relixiosas, como La venganza de Tamar e, sobre todo, El condenado por desconfiado, en que trata o problema da predestinación e a graza divina; comedias histórico-lendarias, como La prudencia en la mujer, en que introduciu ao extraordinario personaxe de María de Molina, e, sobre todo, El burlador de Sevilla y convidado de piedra, unha xenial creación do carácter de Don Juan Tenorio, que deu pé a diversas imitacións posteriores; comedias de costumes, como El vergonzoso en palacio; e comedias de intriga,...

PERSOEIRO

Político, V conde de Ureña e duque de Osuna. Embaixador extraordinario en Roma e en Portugal, favoreceu o acceso de Filipe II ao trono portugués. Foi vicerrei de Nápoles (1582-1586).

PERSOEIRO

Militar, V duque de Osuna e duque consorte de Uceda, marqués de Peñafiel e marqués consorte de Frómista, conde de Ureña. Loitou en Portugal (1657-1664), pero desprestixiouse coa derrota de Castelo Rodrigo de 1664. Foi gobernador de Milán (1670-1674).