"Talía" (Contén)

PERSOEIRO

Rei de Italia (956). Reinou xunto co seu pai Berenguer II a partir do 956. No 961 foi vencido por Otón I, quen se apoderou do reino e coroouse Emperador. Morreu exiliado.

PERSOEIRO

Raíña de Xudá (841 a C - 835 a C). Filla (ou irmá) de Acab, Rei de Israel, casou con Ioram, Rei de Xudá. Morto Ioram (841 a C) e o seu fillo Ocozías (840 a C), Atalía reinou sobre Xudá durante sete anos, ata que unha conspiración entronizou o seu neto Ioax e foi asasinada. A súa vida foi utilizada en argumentos de óperas e oratorios, destacando o Atalía de Händel.

PERSOEIRO

Novelista italiano. Realizou nas súas obras unha serie de observacións irónicas dos seus personaxes inmersos nunha sociedade provinciana.

PERSOEIRO

Escritora portuguesa. Realizou os seus estudios en Lisboa. En 1979 foi deputada polo PSD e, posteriormente, deputada independente. Colaborou en diversos xornais e revistas, e fundou a Fronte Nacional para a Defesa da Cultura. Escribiu, entre outras obras: Rio de nuvens (1947), Passaporte (1958), Comunicação (1959), Cântico do país emerso (1960), O Homúnculo (1964), O vinho e a Lira (1966), A madona (1968), Epístola aos iamitas (1976), O dilúvio e a pomba (1979), Sonetos românticos (1990) e O sol nas noites e o luar nos dias (1993).

GALICIA

Artista plástica. Licenciouse na facultade de Belas Artes de Pontevedra (1997) nas especialidades de pintura, deseño e audiovisuais. Recibiu, entre outras, unha bolsa Erasmus e outra da Universidade de Kingston (Londres, 1995). Participou, entre outros, no III Taller Pablo Picasso de Unión Fenosa (A Coruña, 1997). As formas xeométricas (rectángulos, cadrados e trapecios) son unha constante nas súas composicións. A súa obra presenta un entrecruzamento plástico que se forma a partir da transparencia da mancha e de diversas liñas que percorren o lenzo dividindo o espazo e acoutando zonas. Malia a importancia da liña e do círculo, é a cor a que determina o maior poder de suxestión da obra na procura dunha expresividade en certo modo lírica que vai avaliada pola poética que suxiren os títulos. Entre outras obras, destacan Mancha de parto, As teas paridas, Un caserío de 1584. E dous marroquís, As miñas voces preferidas e No interior do meu corpo.

MACIZO

Macizo montañoso dos Abruzos, Italia, máxima altura dos Apeninos (Corno Grande, 2.914 m). Formado por rochas calcarias, ten un relevo modelado, en parte, polos glaciares.

PERSOEIRO

Rei de Italia (1878-1900), fillo e sucesor de Víctor Manuel II. Favoreceu a aproximación a Alemaña e a Austria-Hungría (Triple Alianza, 1882) e tamén a política de expansión italiana en Etiopia. Foi asasinado por un anarquista.

PERSOEIRO

Rei de Italia (maio-xuño de 1946), fillo e sucesor de Víctor Manuel III. Rexente entre 1944-1946, ata a abdicación do seu pai, un referendo popular institucionalizou a República e provocou o seu exilio.

ENTRADA LARGA

Estado de Europa Meridional (301.338 km2; 60.042.358 h [2008]). Comprende a Península Itálica (situada entre o Mar Ligur, ao NO, o Mar Tirreno, ao O, o Mar Adriático, ao L, e o Mar Xónico, ao S) e as illas de Sardeña e Sicilia. Os Alpes sepárana de Francia, Suíza, Austria e Eslovenia. No interior da península existen dous estados independentes, San Marino e Cidade do Vaticano. A súa capital é Roma .
Xeografía física

Relevo e xeoloxía
A Italia continental está formada polos Alpes, a chaira do río Po e a Península Itálica. Os Alpes son o paso de unión entre a Península Itálica e Europa, e teñen un papel moi importante na economía italiana. O único val importante é o Val de Aosta. Nos Alpes Centrais localízanse os cumios máis elevados, tallados pola acción dos glaciares (Mont Blanc, Monte Rosa, Bernina, Grand Paradiso). Ao pé dos Alpes atópase o sector dos grandes lagos (Como, Maior, Garda, Iseo e Orta), a rexión...